Ditus 14 - Portuguese Creole Bible, Guinea-Bissau

1Minjer jiru ta firmantaKap 24.3-4; 31.10; Rut 4.11 si kasa, ma minjer tulu ta bati di sil ku si mon.

2Kil ku ta yanda na bardadiKap 16.17; 20.7; 28.6 i ta rispita SIÑOR, ma kil ku ta yanda na kamiñu tortu i ta njutil.

3KombersaKap 12.6; 18.6; 22.8 orgulyosu di tulu i sedu mantampa pa si kurpu; palabra di jiru i ta guardal.

4Ku falta di turu bemba ta fika limpu, ma ku forsa di tarbaju di turu bu ta oja bon kebur.

5Tustumuña di fiansa ta konta sempri bardadi, ma kil ki ka di fiansa i ta konta son mintida.

6Algin ku ta fasi trosa i ta buska jiresa, i ka ta ojal, ma algin ntindiduKap 17.24 i lestu pa prindi.

7Fika lunjuKap 9.6 di tulu, pabia bu ka na obi nin palabra di jiresa na si boka.

8Un omi spertu i ten jiresa pa buska kamiñuKap 8.20 sertu, ma tulesa di omi tulu i ta nganal.

9Tulus ka ta mporta si e peka, ma jinti retu ta misti ten pas na se metadi.

10Kada korson i kunsi si propi kasabiKap 12.25 ku si kontentamentu; algin strañu ka pudi toma parti ku el.

11KasaKap 3.33 di jinti mau na danadu, ma morada di kilis ku retu i na tene tudu.

12I ten kamiñuKap 12.15; Rom 6.21 ku omi pudi pensa i sertu, ma kabantada di ki kamiñu i mortu.

13Te na ri, korson pudi sta na kasabi. Kontentamentu pudi kaba na tristesa.

14Omi infiel di korson na risibi ke ki mersi,Kap 12.14 ma omi bon na premiadu pa kil ki fasi.

15Algin ku ka maduru ta seta tudu palabra, ma algin ntindiduKap 4.26; 22.3 i na pensa antis di bai dianti.

16Jiru ta toma sintidu, i jingi di mal, ma tulu ta tene sangi kinti, i ka ta nota pa pirigu.

17Kil ku lestu pa paña raibaKap 14.29; 15.18; 16.32; 19.11; 22.24; 29.22; Sal 103.8; Ekl 7.9; Tia 1.19 i ta fasi suma dudu; omi ku ta fasi planuKap 6.18 mau ta odiadu.

18Kilis ku ka maduru e ta yardaKap 3.35 tulesa, ma jinti ntindidu na premiadu ku kuñisimentu.

19Jinti mau e na mpina dianti di bons; kilis ku ka mporta ku Deus na mpina dianti di porton di justu.

20Koitadi,Kap 10.15; 19.4,6-7 nin si visiñu i ka ta gosta del, ma amigus di riku e ciu dimas.

21Kil ku njuti si kumpañerKap 11.12; 17.5; 18.3; Tia 2.6 i na peka, ma kil ku mostra bondadi pa koitadisKap 19.17; 28.27; Mat 25.34-40 i na sortiadu.

22Nta kilis ku fasi planusKap 14.17 di mal e ka sta na kamiñu eradu? Ma kilis ku fasi planus di ben e na ngaña fiansa ku amor di jinti.

23Si algin ta tarbaja, i tenKap 12.24; 16.26; 28.19 purbitu, ma si i sinta i na papia son, i ta bai pa koitadesa.

24Jinti jiru ta risibi koroa di rikesa, ma tulu ta fajadu son ku tulesa.

25TustumuñaKap 6.19 ku ta konta bardadi i ta salba vidas; kil ku ta konta mintida i ta ngana son.

26Kil ku ta rispitaKap 1.7; 3.7-8; 19.23 SIÑOR i ten konfiansa firmi; i na sedu kau suguru pa si fijus.

27Rispitu pa SIÑOR i fonti di vidaKap 13.14; Sal 18.5 pa libra di armadilia di mortu.

28Garandesa di rei i ta dipindi di numeru di si jinti; si i ka tene ningin pa manda riba delis, el i ka ningin.

29Omi di pasensaKap 14.17 i ten garandi ntindimentu, ma kil ki turmentadu i ta mostra tulesa.

30Korson kalmu ta da saudi pa kurpu, ma nveẑa ta podrisi os.

31Kin ku kalka koitadiKap 14.21; 17.5; 22.16,22-23; 28.3; Sal 12.5 i na koba kil ku kumpul, ma kin ku mostra bondadi pa koitadi i na da Deus gloria.

32Omi mau, si propi maldadiDan 6.24 na batil, ma justu i ten speransa, mesmuJo 13.15; 19.25-27; Sal 23.4; 37.37; 1 Kor 15.55-58; 2 Kor 5.8; 6.9; Fil 1.21,23; 2 Tim 4.18; Apok 14.13 na si mortu.

33Jiresa mora na korson di ntindidu, ma i ka kunsidu na korson di tulus.

34Vida justu ta yalsa un nason,Lei 4.6-8 ma pekadu i borgoña pa pobu.

35ReiKap 22.11; 25.5; 29.12; Mat 24.48-51 ta kontenti ku ŝef jiru, ma i ta paña raiba ku kil ku ka ta tarbaja diritu.