1Salomon fala:
“SIÑOR, bu kuji mora na nuvenSai 20.21; Sir 16.2; Lei 4.11; Sal 18.9-11; 97.2 sukuru.
2Ali N kumpu un kasa bonitu pa bo,
nunde ku bu pudi mora nelKap 2.4-6 pa sempri.”
3Rei rabida pa tudu juntamentu di Israel ku staba la sikidu, i bensua elis,
4i fala: “No ngaba SIÑOR Deus di Israel, ku kumpri ku si mon ki palabra ki da ña pape Davi, oca ki falal:
5‘Disna di dia ku N tira ña pobu di Ejitu, N ka kuji prasa na tera di kualker jorson di Israel pa un kasa kumpudu la ku ña nomi ta sta nel, nin N ka kuji omi pa i sedu ŝef di ña pobu Israel,
6ma gosi N kuji JerusalenKap 12.13 pa ña nomi sta la; N kuji Davi pa i sta riba di ña pobu Israel.’
7“Ña pape Davi teneba na sintidu pa kumpu kasa pa nomi di SIÑOR, Deus di Israel,
8ma SIÑOR falal: ‘I bon manera ku bu teneba sintidu di kumpu kasa pa ña nomi,
9ma i ka abo ku na kumpul. Bu fiju, bu propi karni ku sangi, el ku na bin kumpu kasa pa ña nomi.’
10“SIÑOR bin kumpri ki purmesa ki da. Ami N toma lugar di ña pape Davi, N sinta na tronu di Israel, suma ku SIÑOR fala. N kumpu e kasa pa nomi di SIÑOR, Deus di Israel.
11N pui arka la, ku tene dentru del ki kontratuKap 5.10; Sai 40.20 ku SIÑOR fasi ku fijus di Israel.”
Orason di Salomon(1 Re 8.22-53)12Dipus, Salomon bai firma dianti di altar di SIÑOR, dianti di tudu juntamentu di Israel, i distindi si dus mon.
13I kumpuba ja palkuNe 8.4 di kobri, di 2,3 metru kuadradu ku 1,3 metru di altura, i pul na metadi di kintal. I subi na ki palku, i finka juju nunde ku tudu juntamentu pudi ojal, i distindi si dus mon pa seu,
14i fala: “O SIÑOR, Deus di Israel, i ka ten utru Deus sumaSai 15.11 bo, la na seu nin li na tera. Bu ta sedu fielLei 7.9; Luk 1.72 pa bu kontratu, bu kontinua mostra amor pa bu servus ku ta yanda bu dianti ku tudu se korson.
15Bu kumpri kil ku bu fala bu servu Davi, ña pape. Kusa ku bu falaba2 Sam 7.12-16,25 ku boka, bu mon pul na pratika, suma ku no na oja aos.
16“Gosi ja, SIÑOR Deus di Israel, kumpri ki utru purmesa ku bu da bu servu Davi, ña pape, oca ku bu falal: ‘Nunka i ka na falta omi di bu jorson pa sinta ña dianti na tronu di Israel, si bu fijus pui sintidu pa yanda ña dianti konformi ña lei, suma ku bu yanda.’
17SIÑOR Deus di Israel, ki palabra ku bu fala bu servu Davi, ña pape, pa i kumpridu.
18“Na bardadi, Deus pudi mora ku omisSai 29.45-46; At 17.24 li na tera me? Seu propi, nin ki seu mas altu, i ka ciga pa bu kibiKap 2.6 la, ku fadi e kasa ku N kumpu!
19Ma ami, bu servu, N pidiu pa bu para oreja pa ña orason ku ña pididu. SIÑOR ña Deus, obin manera ku N na comau, N na ora bu dianti.
20Pui bu ujusKap 7.15; 16.9; Ne 1.6; Sal 34.15 riba de kasa, di dia ku di noti, e kau ku bu fala kuma bu nomi na sta la. Obi bu servu manera ku N na ora ku rostuDan 6.10 viradu pa e lugar.
21Obi ña orason, ku orason di bu pobu Israel ora ke vira rostu pa e lugar, e ora. La na seuKap 30.27 nunde ku bu mora, obinu, bu purdanu.
22“Si algin fasi mal kontra si kumpañer, si jinti falal pa i jurmenta, si ki juramentu fasidu dianti di bu altar ne kasa,
23la na seu bu ta obi, bu tarbaja, bu julga bu servus, bu kondena kil ku kulpadu, bu pui mal ki fasi pa i kai riba di si propi kabesa. Justifika kil ku ka ten kulpa, bu tratal suma ki mersi.
24“Ora ku inimigus di Israel ngaña riba delis pabia bu pobu peka kontra bo, si e riba mas pa bo, e bin pa e kasa, e coma bu nomi, e ora, e pidiu,
25la na seu bu ta obi, bu purda pekadu di bu pobu Israel, bu ribanta elis pa tera ku bu da se papes.
26“Ora ku seu fica, cubaKap 7.13; Lei 11.17; 1 Re 17 ka cubi, pabia bu pobu peka kontra bo, si e vira rostu pa e lugar, e ora, e coma bu nomi, e konverti di se pekadus, manera ke sinti bu kastigu,
27la na seu bu ta obi, bu purda pekadu di bu servus ku bu pobu Israel, bu nsina elis ki bon kamiñu ke dibi di yanda nel, bu manda cuba na bu tera ku bu da bu pobu suma yardansa.
28“Ora ku fomi ten na tera, o duensa na mata manga di jinti, o kebur na kemadu pa kalur o pa duensa, o gamfañotis o pulgon na kumel, o si inimiguKap 20.5-13; 32.20-21 bin taja elis na un prasa, o kualker utru kastigu o duensa ataka elis,
29-30la na seu, nunde ku bu ta sinta, obi tudu orason ku pididu ku kualker omi fasi, o ku tudu pobu di Israel fasi, si kada un rapara si kastigu ku si dur, i distindi si mon pa e kasa. Purda elis. I abo son ku kunsi korson di tudu jinti. Trata kada un konformi kil ki na fasi, suma kil ku bu na oja na si korson,
31pa e pudi rispitau, e yanda na bu kamiñus tudu tempu ke vivi na tera ku bu da no papes.
32“Un stranjeruIs 56.3-7; At 8.27-39; 10.1-6; Ef 2.12-13 ku ka sedu di bu pobu Israel, si i obi di ki kusas ku bu fasi ku bu mon forti, i bin di un tera lunju pa amor di bu garandi nomi, i ciga dianti de kasa, i ora,
33la na seu, nunde ku bu ta sinta, bu ta obi, bu fasi tudu ki na pidiu pa bu fasi, pa tudu nason di munduJos 4.24 pudi kunsi bu nomi, e pudi rispitau suma ku bu pobu Israel ta fasi, pa e pudi sibi kuma bu nomi ta comadu ne kasa ku N kumpu.
34“Ora ku bu pobu sai pa geria kontra se inimigus, na kualker kau ku bu manda elis, si e papia ku bo, e vira rostu pa e prasa ku bu kuji, pa e kasa ku N kumpu pa bu nomi,
35la na seu bu ta obi se orason ku se pididu, bu ta da elis vitoria.
36“Ora ke peka kontra bo (pabia i ka ten omiEkl 7.20; Rom 3.23; 1 Jon 1.8-10 ku ka ta peka), si bu paña raiba delis, bu ntrega elis na mon di inimigu, pa kilis ku paña elis leba elis katibu2 Re 17.6 pa se tera, lunju o pertu,
37si, na tera ke lebadu katibu pa el, e ripindi, e konverti, e pidiu, e fala: ‘No peka,Sir 26.40-42 no yanda mal dimas,’
38si e riba pa bo ku tudu se korson, ku tudu se alma, mesmu la na tera di se inimigus ku leba elis katibu, si e papia ku bo, e vira rostu pa banda di se tera ku bu da se papes, pa e prasa ku bu kuji, pa e kasa ku N kumpu pa bu nomi,
39la na seu, nunde ku bu sinta, bu ta obi se orason ku se pididu, bu difindi se kasu, bu purda bu pobu ku peka kontra bo.
40“O ña Deus, jubi pa nos, bu para oreja pa orason ku fasidu ne lugar.
41O SIÑOR Deus, lanta, bu bin fika li ne kau, abo ku arka ku ta mostra bu puder. O SIÑOR Deus, bu saserdotis pa e bistiduSal 132.8-10,16; Is 61.10 di salbason; bu pobu pa e kontenti ku bu bondadi.
42SIÑOR Deus, ka bu nega rei ku bu kuji. Lembra di amor ku bu ten pa bu servuIs 55.3 Davi.”
Who We AreWhat We EelieveWhat We Do
2025 by iamachristian.org,Inc All rights reserved.