Jeremias 42 - Portuguese Creole Bible, Guinea-Bissau

Jeremias konsija jinti pa ka e bai pa Ejitu

1Tudu ŝefis di tropa, ku Joanan, fiju di Kareá, ku Jezanias, fiju di Osaias, ku tudu pobu, garandi ku pikininu, e ciga

2nunde anunsiadur Jeremias, e falal: “No bin pidiu pa bu ten pasensa, bu roga SIÑOR bu Deus pa nos ku sobra, pabia no seduba ciu, ma gosi no sobra puku, suma ku bu na oja.

3Ora pa SIÑOR bu Deus pudi mostranu kamiñuDit 3.5-6 ku no dibi di yanda, ku ke ku no dibi di fasi.”

4Anunsiadur Jeremias fala elis: “N obi; N na ora SIÑOR bo Deus suma ku bo pidin; tudu ku SIÑOR fala, N na konta bos el; N ka na sukundi bos nada.”

5E fala Jeremias: “SIÑOR ta sedu tustumuña fiel, di bardadi, kontra nos, si no ka fasi konformi tudu ku SIÑOR bu Deus mandau pa bu kontanu.

6Si ordi sabi o i ka sabi, no na obdisi SIÑOR no Deus, kil ku no mandau pa el. No na obdisil pa kusas pudi kurinu diritu.”

7Des dia pasa; SIÑOR bin papia ku Jeremias.

8I coma Joanan, fiju di Kareá, ku tudu ŝefis di tropa ku staba ku el, ku tudu pobu, pikininu ku garandi.

9I fala elis: “Asin ku SIÑOR, Deus di Israel, fala, kil ku bo mandan pa N leba bo pididu si dianti:

10‘Si bo fika ne tera, N na kumpuKap 24.6; 31.28 bos, N ka na bati bos; N na firmanta bos, N ka na rinka bos, pabia N sta tristi pa mal ku N fasi bos.

11Ka bo medi rei di Babilonia ku bo na sinti medu del; ami, SIÑOR, N fala: Ka bo ten medu del, pabiaSal 118.6; Is 43.5 N sta ku bos pa salba bos, pa libra bos na si mon.

12N na mostra bondadi pa bos, pa el i pudi mostra bos si bondadi, i ribanta bos na bo tera.’

13“Ma si bo ka obdisi SIÑOR bo Deus, bo fala kuma bo ka na fikaKap 44.16 ne tera,

14bo fala kuma nau, bo na bai pa Ejitu, nunde ku bo ka na oja gera, nin obi toku di korneta, nin bo ka na tene fomi; la ku bo na fika,

15ne kasu, bo obi palabra di SIÑOR, abos ku sobra di Judá. Asin ku SIÑOR ku ten tudu puder, Deus di Israel, fala: ‘Si bo pui sintidu pa bai pa Ejitu, tok bo bai sinta la,

16ki spadaEz 11.8 ku bo medi i na yangasa bos la; fomi ku bo medi i na bai bo tras pa Ejitu; la ku bo na muri.

17Asin tudu jinti ku pui sintidu pa bai sinta na Ejitu, e na muri ku spada,Kap 44.14,28 fomi o duensa. I ka na sobra nin un son delis ku na kapli di mal ku N na manda pa elis.’

18Asin ku SIÑOR ku ten tudu puder, Deus di Israel, fala: ‘Suma ku forsa di ña raiba i darmadu riba di moradurisKap 7.20; 24.9; 44.12 di Jerusalen, asin ku ña raiba na darmadu riba di bos ora ku bo yentra na Ejitu. Jinti na panta pabia di bos, e na njuti bos, e fasi bos trosa, e maldisua bos. Bo ka na oja mas e kau.’

19“Abos ku sobra di Judá, SIÑOR fala bos: ‘Ka bo yentra na Ejitu.’ Bo pudi ten sertesa kuma N na avisa bos aos.

20Bo na ngana bo kabesa. Bo mandanKap 42.2 pa SIÑOR bo Deus, bo falan: ‘Roga SIÑOR no Deus pa nos. Bu na kontanu tudu ku SIÑOR no Deus fala; no na fasil.’

21N konta bos aos ke ki fala, ma inda bo ka obdisi SIÑOR bo Deus na tudu ki mandan pa N konta bos.

22Asin bo pudi sibi kuma bo na muri ku spada, fomi o duensa na ki kau nunde ku bo misti mora nel.”