Salmus 68 - Portuguese Creole Bible, Guinea-Bissau

Salmu, kantiga di Davi pa ŝef di musika.

1Pa Deus

Jinti mau pa e pirdi dianti di Deus,

suma ku sera ta ribi dianti di fugu.

3Justus pa e kontenti, e kanta dianti di Deus,

e jukuta ku alegria.

4Bo kanta pa Deus, bo kanta pa ngaba si nomi;

bo garandisi kil ku ta yanda di kabalu riba di nuvens;

bo kanta ku kontentamentu si dianti;

si nomi i SIÑOR.

5Deus, na si kau sagradu, i sedu pape

SIÑOR na bin di Sinai pa kau sagradu.

18Bu subi na kau altu,

bu leba manga di katibuEf 4.8 ku bo;

bu risibi ofertas di omis, mesmu di disobdientis,

pa abo, SIÑOR Deus, bu pudi mora la.

19SIÑOR dibi di ngabadu, Deus no Salbadur,

ku ta leba no kargu kada dia.

Sela

20No Deus i Deus ku ta salba;

no libertason di mortu sta na mon di SIÑOR Deus.

21Na bardadi, Deus na kebra kabesa di si inimigus,

ku tene manga di kabelu,

ku sedu kilis ku pega na se kulpas.

22SIÑOR fala: “N na ribanta elis di Basan;

N na pui elis pa e riba di fundu di mar,

23pa bu pe pudi murguja na sangiKap 58.10 di bu inimigus;

te lingua di bu kacur pudi miti nel.”

24O Deus, bu marŝa sagradu ciga ja na vista,

ki marŝa di Deus ña Rei pa kasa sagradu.

25Kantaduris sta dianti, tokaduris

di instrumentus na bin tras;

bajudas na toka tambriñas na se metadi.

26Bo papia ben di Deus na bo juntamentu,

bo ngaba SIÑOR, abos ku sedu jorson di Israel.

27Ala Benjamin na bin purmeru, ki jorson pikininu;

dipus, ŝefis di Judá ku se grupu.

Ala ŝefis di Zebulon ku Naftali.

28O Deus, coma bu puder,

ki puder ku bu usaba pa judanu.

29Pabia di bu kau sagradu na Jerusalen,

reis na tisiu pursentis.

30Raprindi ki limaria brabu ku sta na paja di riu,

ki nasons ku sta suma manga di turuKap 22.12 ku se fijus,

tok e umilya, e tisiu se prata.

Pajiga nasons ku ta kontenti ku gera.

31Mbaŝaduris na bin di Ejitu;

Etiopia na janti pa distindi mon pa Deus.

32Abos, renus di mundu, bo kanta pa Deus;

bo kanta pa ngaba SIÑOR,

Sela

33kil ku ta yanda di kabaluKap 68.4; 18.10 riba di seu, ki seu antigu.

Bo obi kuma ki ta papia ku vos forti, suma turbada.

34Bo anunsia puder di Deus;

si puder di renansa sta riba di Israel;

si garandi forsa sta na seu.

35O Deus, abo i meduñu na bu kau sagradu!

Deus di Israel ta da forsa ku puder pa si pobu.

Deus mersi ngabadu!