Eklesiastis 5 - Portuguese Creole Bible, Guinea-Bissau

Ka bu fasi purmesa sin pensa

1Toma sintidu ora ku bu na yentra na kasa di Deus. Pui sintidu mas pa obi kuma bu yara, manera ku bu fasi purmesa. Pabia di ke ku bu na pui Deus paña raiba ku bu palabras, tok i bin kaba ku tarbaju di bu mon?

7Suma na manga di suñu i ten kusas ku ka bali, asin tambi na manga di palabra, ma abo, rispitaKap 7.18; 8.12; 12.13; Dit 23.17 Deus.

Rikesa ka ten balur

8Si bu oja na un reẑion kuma jinti na kalka pobris, e na roba elis se diritu na kau di justisa, ka bu dimira un kusa suma es; un funsionariu tene si ŝef ku na jubi pa el; riba delis dus i ten utru ŝef mas altu inda.

9Purbitu di tera i pa tuduSal 104.14-15; Dit 27.25-27; 28.19 jinti; te rei ta purbita di lugar di labur.

10Kil ku gosta di diñeru, nunka diñeruKap 1.2; 4.8; 6.7; 1 Tim 6.10 ka ta cigal; kil ku gosta di rikesa, si rindimentu nunka ka ta cigal. Es tambi i bakatela.

11Nunde ku rikesa na aumenta, asin ku kumeduris tambi na aumenta. Kal purbitu ku si dunu ta ten, si i ka pa jubiDit 23.5 ku si uju?

12Tarbajadur ta durmiDit 3.24 sabi, nin si i kume ciu o i kume puku, ma omi riku tene kusas ciu tok i ka ta pudi durmi.

13I ten un mal ku N oja ne mundu, ku ta kausa duensa, ku sedu rikesa ku si dunu rakadaKap 4.8; Dit 11.24-25 pa si propi danu,

14pabia ki rikesa pudi pirdiDit 27.24 pa kualker mufunesa; si fiju ka na bin fika ku nada.

15Suma ki saiJo 1.21; Sal 49.17; Luk 12.20; 1 Tim 6.7 nun na bariga di si mame, asin ki na riba nun. I ka na tene nada di si tarbaju ki pudi leba na mon.

16Tambi es i utru mal: suma ki bin, asin ki na bai. Ke ki bali pena pa i tarbaja pa bentu?

17Na tudu si vida i ta kume na sukuru, ku fadiga, ku duensa ku raiba.

18Es i kusa ku N oja, kuma i bon, i bonitu pa omi kume, i bibi, i kontentiKap 2.10,24 ku tudu kil ki tarbaja pa el ne mundu duranti ki puku dias di vida ku Deus dal, pabia es i si sorti.

19Ora ku Deus da un omi manga di rikesa, ku puder pa kumel, pa i seta si sorti, tambi pa i disidi sta kontenti ku si tarbaju; es i kusa ku Deus dal.

20I ka na pensa ciu na dias di si vida, pabia Deus incil ku alegria na korson.