Salmus 71 - Portuguese Creole Bible, Guinea-Bissau

1SIÑOR, N fiansa na bo;

ka bu disan pasa borgoña.

2Manera ku bu sedu justu, libran, bu kaplintin;

mpina bu oreja pa mi, bu salban.

3Ba ta sedu ña roca suguru

nunde ku N pudi bai sempri.

Da ordi pa N sedu salbu,

pabia abo i ña roca, ña kau forti.

4Ña Deus, libran di jinti mau,

di puder di omis injustu, kruel.

5SIÑOR Deus, abo i ña speransa;

bu sedu ña fiansa disna di ocan rapas.

6Disna ku N padidu, N nkuña na bo;

i abo ku tiran

ma abo, bu sedu ña kau forti di suguransa.

8Ku ña boka N ta ngabau,

N ta konta di bu gloria tudu dia.

9Ka bu negan na bejisa,

nin ka bu bandonan ora ku ña forsa na kaba.

10Ña inimigus ta papia kontra mi;

kilis ku na pera pa tiran vida

e ta junta pa fasi planu.

11E ta fala: “Deus bandonal;

bo serkal, bo pañal,

pabia i ka ten kin ku na libral.”

12O Deus, ka bu lunjusiKap 22.11; 35.22; 70.1 di mi;

ña Deus, janti pa sakuran!

13Kilis ku sta kontra mi pa e

kunfundidu, e kabadu ku el.

Kilis ku na buska fasin mal,

pa e kubriduKap 35.4; 40.14; 70.2 ku trosa ku kunfuson.

14Ma ami, N na ten speransa sempri,

N na ngabau kada bias mas.

15N na konta kuma ku bu sedu justu;

N na fala di bu salbason tudu ora,

nin si i mas di ki kil ku N ntindi.

16N na sai pa konta kusas di puder ku bu fasi, SIÑOR Deus;

N na anunsia kuma abo i justu, abo son.

17O Deus, bu nsinan disna di ocan rapas;

te aos N ta diklara kusas garandi ku bu fasi.

18Gosi, suma ku N beju, ku kabelu branku,

ka bu bandonan, o Deus,

tok N konta bu forsa ku puder

pa jorson ku na lanta na futuru.

19O Deus, bu retidon ta ciga na seu;

bu fasi garandi kusas.

O Deus, kin ku seduKap 35.10 suma bo?

20Bu pun pa N oja manga di kasabi ku mal,

ma bu na tornaOs 6.1-2 dan vida,

bu na tiran na koba di mortu.

21Bu na buri ña garandesa,

bu fortifikan di nobu.

22N na ngabau ku salteriu

pabia di bu bardadi, o ña Deus.

N na kanta pa ngabau ku arpa,

o Deus Santu2 Re 19.22; Is 60.9 di Israel.

23N na grita ku kontentamentu,

ora ku N kanta salmus pa bo ku ña korson,

pabia bu libran.

24Tudu dia N na papia di bu retidon,

pabia kilis ku mistiba fasin mal

e pasa borgoña ku kunfuson.