Josué 17 - Portuguese Creole Bible, Guinea-Bissau

Yardansa di metadi di jorson di Manasés

1Es i tera ku sorti daKum 41.51; 46.20; 48.17-20; Num 26.29-33; Lei 3.13-15 Manasés, ku sedu purmeru fiju di José. Makir,Kum 50.23; Num 32.39-40; Ŝef 5.14; 1 Kron 7.14-17 purmeru fiju di Manasés, seduba pape di jileaditas, ku risibiba ja JileadNum 26.29-30; 32.39-40; 2 Sam 2.9; 17.26; 2 Re 15.29 ku Basan, pabia makiritas e seduba omis di gera.

2Ki tera ku sorti da, i pa utru fijus di Manasés konformi se familias, ku sedu: Abiezer,Ŝef 6.11; 8.2 Elek, Asriel, Siken, Efer ku Semida. Esis i fijus macu di Manasés, fiju di José.

3Zelofead,Num 27.1-8 fiju di Efer, fiju di Jilead, fiju di Makir, fiju di Manasés, i ka teneba fiju macu, ma son femias. Ali se nomis: Makla, Noa, Ogla, Milka ku Tirza.

4Esis bin ciga dianti di saserdotiKap 14.1 Eleazar, Josué, fiju di Nun, ku ŝefis, e fala elis: “SIÑOR da ordi pa Moisés pa i danu yardansa na metadi di no ermons macu.” Asin, suma ku SIÑOR fala, Josué da elis yardansa na metadi di ermons di se pape.

5Manasés risibi des kiñon di tera, fora di tera di Jilead ku Basan ku sta na utru banda di Jordon,

6pabia fijus femia di jorson di Manasés e risibi yardansa na metadi di macus. Utru fijus di Manasés teneba tera di Jilead.

7Frontera di Manasés i kumsa desdi Aser te Mikmetá, ku sta dianti di Siken.Kap 20.7; 21.21; 24.1,32; Kum 12.6; 33.19; Ŝef 9.1; 1 Re 12.1,25; 1 Kron 6.67; 7.28; 2 Kron 10.1; Sal 60.6; At 7.16 Dipus, frontera bai pa sul te jinti ku mora na En-Tapua.

8(Manasés teneba tera di Tapua, ma Tapua propi, na frontera di Manasés, i pertensiba fijus di Efrain.)

9Frontera bai pa sul te na riusiñu di Kaná. La i tenba utru prasas di Efrain na metadi di prasas di Manasés. Frontera di Manasés sta na norti di riusiñu, i kaba na mar.

10Na sul, tera seduba di Efrain, na norti di Manasés; mar sedu se frontera pa kaida di sol. Na norti, tera di Manasés toka na Aser; na saida di sol i toka na Isakar.

11Na tera di Isakar ku di Aser, Manasés teneba Bet-Sean1 Sam 31.10,12; 2 Sam 21.12-14; 1 Re 4.12 ku Ibleon,2 Re 9.27 ku se tabankas na roda; e teneba tambi jinti ku mora na Dor, na Endor,1 Sam 28.7 Taanak,Kap 12.21; 21.25; Ŝef 5.19; 1 Re 4.12 ku Mejidu,Ŝef 1.27; 5.19; 1 Re 4.12; 9.15; 2 Re 9.27; 23.29-30; 1 Kron 7.29; 2 Kron 35.22; Zak 12.11 tudu ku se tabankas na roda.

12Fijus di Manasés ka pudi tira fora jinti ku moraba na ki prasas, pabia kananeus ntema pa fika na ki mesmu tera.

13Oca fijus di Israel torna mas forti, e pui kananeus fasi tarbaju forsadu, ma e ka tira elis fora.

14Fijus di José papia ku Josué, e puntal: “Pabia di ke ku bu danu son un parti pa no yardansa? Anos no ciu suma ku SIÑOR bensuanu te li.”

15Josué ruspundi elis: “Suma bo ciu, montañas di Efrain e sedu un kau pertadu pa bos, bo bai matu, bo pabi kau pa bos na tera di perizeusKap 11.3; Kum 13.7 kuKap 15.8; Kum 14.5; 15.20; 2 Sam 5.18,22; 23.13; 1 Kron 11.15; 14.9; Is 17.5 refains.”

16Fijus di José falal: “Montañas ka na ciganu. Tambi tudu kananeus ku mora na kau rasu e tene karusKap 17.8 di feru, suma jinti di Bet-Sean ku se tabankas, ku kilis ku sta na kobon diKap 15.56; 19.18; Ŝef 6.33; 1 Sam 25.43; 29.1; 2 Sam 2.9; 4.4; 1 Re 4.12; 18.45-46; 21.1,23; 2 Re 9.10,15-16,36-37; Os 1.4-5 Jizreel.”

17Josué fala jorson di José ku sedu Efrain ku Manasés: “Abos bo ciu, bo ten garandi forsa. Bo ka na tene son un parti,

18ma montaña na sedu di bos. I tene manga di arvuri, ma bo na kortal, pa i sedu di bos desdi un ladu te na utru. Nin ke sedu forti, e tene karusKap 17.16; 11.4-8; Lei 20.1-4; Ŝef 1.19; 4.3; Sal 46.9; Rom 8.31,37 di feru, ma bo na tira kananeus fora.”