1Spiritu di Deus bin ribaŜef 3.10 di Azarias, fiju di Obed.
2I sai pa bai kontra ku Asa, i falal: “Bo sukutan de, Asa ku tudu Judá ku Benjamin. SIÑOR sta ku bos nkuantu bo sta ku el. Si bo buskal, bo na ojal; si bo disal, el i na disa bos.
3Pa manga di tempu Israel staba sin Deus di bardadi, sin lei, sin saserdoti pa nsina,
4ma na se foronta e riba pa SIÑOR, Deus di Israel, e buskal, e ojal.
5Na ki tempu i ka tenba suguransa pa kilis ku na fasiba bias;Ŝef 5.6 son turmenta na tudu ladu di ki teras.
6Un pobu na lanta kontraMar 13.8 utru, un prasa kontra utru, e na kalka ŋutru, pabia Deus kansa elis ku tudu koldadi foronta,
7ma abos, bo sedu forti; ka bo fraksi bo mon, pabia bo tarbaju i na teneMat 6.1,4,6,18; 10.41-42; Luk 6.35; 1 Kor 3.8,14; 15.58; Apok 22.12 pagamentu.”
8Oca ku Asa obi ki rekadu di Deus na boka di Azarias, fiju di Obed, i toma koraẑen, i tira tudu idulus nujenti di tudu tera di Judá ku Benjamin, suma tambi di prasas ki tomaba na montañas di Efrain. I torna kumpu altarKap 4.1; 8.12 di SIÑOR ku staba dianti di baranda di entrada di templu.
9Manga di jinti di Efrain, Manasés ku Simeon e oja kuma SIÑOR si Deus staba ku el, e bin moraKap 11.16 na Judá. Asa junta elis tudu ku Judá ku Benjamin.
10E junta na Jerusalen na terseru mis di anu 15 di renansa di Asa.
11Na ki mesmu dia e sakrifika pa SIÑOR setsentus turu ku seti mil karnel, di ki limarias ke tisi di gera.
12E yentra na kontratuLei 29.10-12 di buska SIÑOR, Deus di se papes, ku tudu se korsonLei 4.29 ku alma.
13Kualker algin ku ka na buska SIÑOR, Deus di Israel, ten kuSai 22.20; Lei 13.5-15 matadu, nin si i beju o i nobu, nin si i omi o i minjer.
14E jurmenta pa SIÑOR; dipus e yalsa vos, e grita ku kontentamentu juntu ku toku di kornetas ku cifris.
15Tudu jinti di Judá e kontenti ku ki juramentu, pabia e fasil di tudu se korson; e buska SIÑOR ku tudu se vontadi, e ojal. SIÑOR da elis diskansu na tudu ladu.
16Rei Asa tira Maaka,Kap 11.20 si dona, pa ka i sedu mas raiña, pabia i kumpu un idulu nujenti pa adora Aserá. Asa dana ki idulu, i kebra-kebral, i kemal lungu di riusiñu di Sedron.
17Mesmu ki ka dana ki kaus altu di Israel, ma, duranti tudu si vida, si korson staba pirfitu.
18I tisi pa kasa di Deus kusas ku si pape dedika, tambi ku di sil ki dedika — prata, uru ku mas utru kusas.
19I diskansa gera te na anu 35 di si renansa.
Who We AreWhat We EelieveWhat We Do
2025 by iamachristian.org,Inc All rights reserved.
