Ebreus 1 - Portuguese Creole Bible, Guinea-Bissau

Deus papia ku nos na Kristu

1Na tempu ku pasa, Deus papia manga di bias, na manga di manera, ku no papes di antigu pa boka diNum 12.6-8; Lei 18.15; Gal 4.4 anunsiaduris. Ne dias di kabantada i papia ku nos suma ki mandanu si Fiju,

2kil ki pui pa i yarda tudu kusa, ki kumpu munduJon 1.3 tambi pa si mon.

3I el ku sedu briliu di gloria di Deus, ku si parsensaJon 1.14; 14.9; 2 Kor 4.4; Kol 1.15 sertu; el ku nguenta tudu kusa ku puder di si palabra. Dipus di da si vida pa yangasa limpesa di noKap 7.27; Jon 1.29 pekadu, i sinta na mon direitaSal 110.1; At 2.33 di garandi Rei na seu.

4I fasidu mas garandi di ki anjus, suma ku nomi ki yardaEf 1.21; Fil 2.9-10 i mas garandi di ki nomi di anju.

Garandesa di Fiju di Deus

5Deus nunka ka fala nin un anju:

“Abo i ñaSal 2.7 Fiju; aos N padiu.”

Tambi i ka fala di nin un anju:

“N na sedu si Pape; el i na sedu ña fiju.”

6Oca ki na mandaba si purmeru Fiju na mundu, i fala tambi:

“Tudu anjusLuk 2.13-14; 1 Ped 3.22 di Deus pa e adoral.”

7I fala di anjus:

“Kil ku ta fasi si anjus pa e seduSal 104.4 bentus,

si servus pa e sedu linguas di fugu.”

8Ma i fala di Fiju:

“O Deus, bu tronuSal 45.6-7 na kontinua pa sempri;

Na bu renansa bu ta guberna ku justisa.

9Bu ama kil ki bon; bu odia kil ki mau.

E ku manda Deus, bu Deus, i unjiuIs 61.1; At 4.27; 10.38 ku azeiti di kontentamentu,

i dau lugar riba di bu kumpañeris.”

10I fala inda:

“Abo, Siñor, na kumsada bu kumpu tera;

seuSal 102.25 sedu tarbaju di bu mon.

11E naIs 34.4; Mat 24.29,35; 2 Ped 3.7,10 disparsi, ma abo bu na kontinua.

Tudu elis na beju suma ropa;

12bu na mbulja elis suma kapa; suma ropa e na torkiadu;

ma abo bu sedu mesmu; bu anus ka ta kaba.”

13Deus nunka i ka fala nin un anju:

“SintaSal 110.1 na ña direita

tok N pui bu inimigus

suma tapeti pa bu diskansa pe nel.”

14Ke ku sedu anjus? Elis i spiritus ku ta sirbi, ku Deus manda pa e bin juda kilis ku na bin tene salbason.