1Dipus di mortu di Akab, Moab lantaKap 3.5; 2 Sam 8.2 kontra Israel.
2Akazias kai na un kuartu altu di si kasa na Samaria, i molosta. I manda jinti, i fala elis: “Bo bai punta Baal-Zebub,Mat 10.25; 12.24-27 deus di Ekron, si kontra N na bin san.”
3Anju di SIÑOR fala Elias di Tisbe pa i lanta i bai kontra ku jinti ku rei di Samaria manda, i punta elis: “Pabia di ke ku bo na bai konsulta Baal-Zebub, deus di Ekron? O i pabia Deus ka ten na Israel?
4Asin ku SIÑOR fala bo rei: ‘Bu ka na lanta di kama ku bu dita nel, ma bu na muri sin falta.’ ” Elias bai.
5Ki jinti riba pa rei; kila punta elis: “Ke ku manda bo riba?”
6E falal: “Un omi bin danu kontrada, i falanu pa no riba pa rei ku mandanu, no bai falal kuma asin ku SIÑOR punta: ‘Pabia di ke ku bu manda konsulta Baal-Zebub, deus di Ekron? O i pabia Deus ka ten na Israel? Asin bu ka na lanta na ki kama ku bu dita nel, ma bu na muri sin falta.’ ”
7Rei punta elis: “Ki omi ku da bos kontrada i fala bos e palabras, kuma ki parsiba?”
8E falal: “I bistiba kamisa di kuruZak 13.4; Mat 3.4 di limaria, i mara sintu di kuru na rabada.” Rei fala: “I Elias di Tisbe.”
Fugu di seu9Rei manda un kapiton ku sinkuenta omi pa e bai buska Elias. Kapiton bai ojal sintadu riba di un monti, i falal: “Omi di Deus, rei fala pa bu ria.”
10Elias ruspundi i fala kapiton: “Si N sedu omi di Deus, fuguNum 11.1; 1 Re 18.36-38; Luk 9.54 ta sai na seu, i kemau, ku bu sinkuenta omi.” Ki ora fugu kai, i kemal ku si sinkuenta omi.
11Rei torna manda utru kapiton ku si sinkuenta omi pa el. Kila bai falal: “Omi di Deus, rei fala pa bu ria kinti-kinti!”
12Elias ruspundi i falal: “Si N sedu omi di Deus, fugu ta sai na seu, i kemau ku bu sinkuenta omi.” Ki ora fugu kai, i kemal ku si sinkuenta omi.
13Rei torna manda terseru kapiton ku si sinkuenta omi. Ki kapiton bai, i finka juju dianti di Elias, i falal: “Omi di Deus, N pidiu pa bu da balur pa ña vida ku vida de sinkuenta omi, bu servus.
14Fugu kai ja, i kema ki dus kapiton ku se omis, ma gosi, N pidiu pa bu da ña vida1 Sam 26.21,24 balur.”
15Anju di SIÑOR fala Elias: “Bai ku es; ka bu medi.” I lanta i bai ku el pa rei,
16i falal: “Asin ku SIÑOR punta: ‘Pabia di ke ku bu manda jinti pa e konsulta Baal-Zebub, deus di Ekron? O i pabia Deus ka ten na Israel ku bu pudi punta? Manera ku bu fasi asin, bu ka na lanta na kama ku bu dita nel, ma bu na muri, sin falta.’ ”
17Asin i muri, konformi palabra ku SIÑOR falaba na boka di Elias. Suma ki ka teneba fiju, si ermon JoranKap 3.1 kumsa rena na si lugar, na sugundu anu di Jeoran, fiju di Jeosafá, rei di Judá.
18Tudu utru kusas ku pasa na renansa di Akazias, ku kil ki fasi, i sta skritu na libru di Storia di Reis di Israel.
Who We AreWhat We EelieveWhat We Do
2025 by iamachristian.org,Inc All rights reserved.
