2 Reis 15 - Portuguese Creole Bible, Guinea-Bissau

Azarias, rei di Judá, ku comadu tambi Uzias(2 Kron 26.1-23)

1Na anu 27 di renansa di Jeroboan, rei di Israel, Azarias, rei di Asiria, bin geria kontra Israel. Menaen dal 34 tonolada di prata pa i pudi judal, pa renu pudi sedu mas firmi na si mon.

20Menaen kobra Israel ki diñeru; tudu riku tenba ku da sinkuenta mueda di prata. Ki diñeru dadu pa rei di Asiria. Kila riba pa si tera, i ka fika na Israel.

21Tudu utru kusas ku pasa na renansa di Menaen, ku tudu ki fasi, e sta skritu na libru di Storia di Reis di Israel.

22Menaen bin diskansa; si fiju Pekaias rena na si lugar.

Pekaias, rei di Israel

23Na anu 50 di renansa di Azarias, rei di Judá, Pekaias, fiju di Menaen, kumsa rena na Israel; i rena dus anu na Samaria.

24I fasi mal dianti di SIÑOR; nunka i ka para fasi ki pekadusKap 10.29 ku Jeroboan, fiju di Nebat, pui pobu di Israel pa e fasi.

25Si kapiton, Peka,1 Re 15.27; Is 7.1,4,9 fiju di Remalias, lanta kontra el. I leba sinkuenta omi di Jilead, i bai ataka rei na Samaria, na kuartu forti dentru di kasa di rei, i matal, juntu ku Argob ku Arié; i rena na si lugar.

26Tudu utru kusas ku pasa na renansa di Pekaias, ku tudu ki fasi, e sta skritu na libru di Storia di Reis di Israel.

Peka, rei di Israel

27Na anu 52 di renansa di Azarias, rei di Judá, Peka, fiju di Remalias, kumsa rena riba di Israel; i rena vinti anu na Samaria.

28I fasi mal dianti di SIÑOR; nunka i ka para fasi ki pekadusKap 15.18; 10.29 ku Jeroboan, fiju di Nebat, pui pobu di Israel pa e fasi.

29Na tempu di Peka, rei di Israel, Tiglat-Pileser, reiKap 15.19; 16.7; 1 Kron 5.26 di Asiria, bin, i toma Ijon,2 Sam 20.14-15; 1 Re 15.20 Abel-Bet-Maaka, Janoa, Kedes, Azor, Jilead, Galileia ku tudu tera di Naftali; i leba jinti di ki lugaris pa Asiria.

30Oseias, fiju di Elá, lanta kontra1 Re 15.27 Peka, fiju di Remalias, i atakal, i matal, i rena na si lugar, na anu 20 di renansa di Jotan, fiju di Uzias.

31Tudu utru kusas ku pasa na renansa di Peka, ku tudu ki fasi, e sta skritu na libru di Storia di Reis di Israel.

Jotan, rei di Judá(2 Kron 27.1-9)

32Na sugundu anu di renansa di Peka, rei di Israel, fiju di Remalias, Jotan,Kap 15.7; 1 Kron 3.12; Is 1.1; Os 1.1; Mik 1.1; Mat 1.9 fiju di Uzias, rei di Judá, kumsa rena,

33ku vinti i sinku anu di idadi; i rena disaseis anu na Jerusalen. Si mame seduba Jerusa, fiju di Zadok.

34I yanda retu dianti di SIÑOR, suma ku si pape Uzias fasiba,

35ma kaus altu ka tiradu; jinti fika e na sakrifika, e na kema nsensu la. Jotan kumpu porton altu di kasa di SIÑOR.

36Tudu utru kusas ku pasa na renansa di Jotan, ku tudu ki fasi, e sta skritu na libru di Storia di Reis di Judá.

37Na ki dias SIÑOR kumsa na manda jinti kontra Judá, ku sedu Rezin, rei diKap 16.5; Is 7.1-9 Siria, ku Peka, fiju di Remalias.

38Jotan bin diskansa, i nteradu lungu di si papes na prasa di si pape Davi. Si fiju Akaz rena na si lugar.