Jon 5 - Portuguese Creole Bible, Guinea-Bissau

Kura di un manku di Betesda

1Dipus de kusas Jesus bai pa Jerusalen pa mati un festival di judeus.

2I tenba na Jerusalen, pertu di porton diNe 3.1 karnel, un pisina ku ta comadu Betesda na lingua ebraiku. I tenba sinku baranda na roda del.

3Manga di duenti ta staba na ki barandas, segus ku mankus ku kilis ku ka pudi bulbuli kurpu.

5I staba la un omi ku staba duenti trinta i oitu anu.

6Jesus oja ki omi ditadu; i sibiba kuma i tardaba asin; i puntal nos i misti san.

7Ki duenti ruspundil: “Siñor, N ka tene ningin pa mitin na yagu ora ki bulbulidu, ma ora ku ami N na rasta pa bai la, utru ta jumnan, i ta ria.”

8Jesus falal: “Lanta, bu lambuMat 9.6 bu kama, bu yanda.”

9Na ki ora, omi fika kuradu, i lambu si kama, i bai. I seduba dia diKap 9.14 diskansu.

10Ŝefis di judeu fala ki omi ku kuraduba: “Aos i dia di diskansu; bu ka dibi diSai 20.10; Luk 6.2; 13.14 karga kama.”

11I ruspundi elis: “Kil ku kuran, el propi ku falan pa N lambu ña kama, N yanda.”

12E puntal: “Kal omi ku falau pa bu lambu bu kama, bu yanda?”

13Ki omi ku kuradu ka kunsiba kin ku kural, pabia Jesus pirdiba na metadi di manga di jinti ku staba la.

14Dipus, Jesus bin kontra ku el na kasa di Deus, i falal: “Jubi, bu sta ja kuradu; ka bu pekaKap 8.11; Mat 12.45 mas, pa ka kusa pior bin kontisi ku bo.”

15Ki omi bai konta ŝefis di judeu kuma i seduba Jesus ku kural.

16E ku manda ŝefis di judeu kumsa na pirsigi Jesus, e na buska matal, pabia i fasi e kusas na dia di diskansu.

17Jesus ruspundi elis: “Ña Pape na tarbajaKap 9.4; 14.10 te gosi; ami N na tarbaja tambi.”

18Pabia de palabra ŝefis di judeu e mas na buskaKap 7.1,19 matal; i ka son kuma Jesus ta kebraba dia di diskansu, ma i ta fala tambi kuma Deus i si Pape; asin el i juntuKap 10.30-33; Fil 2.6 ku Deus.

Otridadi di Fiju di Deus

19Jesus ruspundi elis: “N na konta bos bardadi kuma, Fiju, el son, ka pudi fasi nada si i ka ojaKap 8.28,38; 12.49; 14.10 si Pape fasil, pabia tudu kil ku Pape fasi, Fiju tambi ta fasil.

20Ña Pape amaKap 3.35; Mat 12.18; 2 Ped 1.17 si Fiju, i mostral tudu ki na fasi. I na bin mostral manera di fasi kusas mas garandi di ki es, ku bo ta fika dimiradu.

21Suma ku Pape ta lantanda mortus, i da elis vida, asin tambi ku Fiju ta da vidaKap 6.33,39-40; 11.25,43-44; Luk 7.14-15; 8.54-55 pa kilis ki misti da.

22Ña Pape ka ta julga ningin, ma i da si Fiju puder paKap 5.27; At 10.42; 17.31 julga,

23pa tudu jinti pudi rispita Fiju suma ke1 Jon 2.23 rispita si Pape. Kin ku ka rispita Fiju, i ka ta rispita si Pape ku mandal.

24“N na konta bos bardadi, kin ku obi ña palabra, i seta kil ku mandan, i ta tene vidaKap 3.16; 8.51 ku ka ta kaba. I ka na kondenadu, ma i pasa ja di mortu pa vida.

25N na torna konta bos bardadi kuma, ora na bin, i ciga ja, ku mortus na obiEf 2.1,5; 5.14; Kol 2.13 vos di Fiju di Deus; kilis ku obil e ta bin tene vida.

26Suma ku ña Pape i fonti di vida, i da tambi si Fiju puder di sedu fonti di vida.

27I dal puder di julgaKap 5.22; Dan 7.13-14 jinti pabia i Fiju di omi.

28Ka bo dimira. I na ciga ora ku tudu mortus ku nteradu na obi si vos; e na saiIs 26.19; Dan 12.2; Mat 25.46; 1 Kor 15.51-52; 1 Tes 4.15-17 na koba.

29Kilis ku fasi ben e na lanta pa vida; kilis ku fasi mal e na lanta pa kondenason.

30“Ami na ña forsa N ka pudi fasi nada; suma ku N obi, asin ku N ta julga. Ña juisu i justu, pabia N ka misti fasi ñaKap 4.34 vontadi, ma vontadi di ña Pape ku mandan.

31Si N na diklaraKap 8.13-14 ña kabesa, ña tustumuñu i ka ten balur.

32I ten utruKap 8.18; Mat 3.17; 1 Jon 5.6-9 ku diklara di mi; N sibi kuma tustumuñu ku el i da di mi i bardadi.

33Abos bo manda jinti nunde Jon; el i kontaKap 1.15,19,32 kil ki bardadi.

34I ka suma N pirsisa di tustumuñu di omi, ma N fala bos e kusas pa bo pudi salba.

35Jon seduba kanderu2 Ped 1.19 ku na yardiba, i numia; abos bo misti alegra un bokadiñu di tempu ku si lus.

36Ma N tene tustumuñu mas garandi di ki kil di Jon, pabia kusas ku ña PapeKap 3.2; 10.25; 15.24 dan pa N fasi, ki mesmu kusas ku N fasi ta diklara di mi kuma i ña Pape ku mandan.

37Ña Pape ku mandan, el propi i ta diklara di mi. Abos nunka bo ka obi si vos, nin bo ka ojaKap 1.18 si parsensa.

38Si palabra ka sta sempri na bos pabia bo ka seta ki algin ki manda.

39Bo ta studa SkrituraKap 1.45; Is 8.20; 34.16; Luk 24.27; At 17.11 ku atenson, pabia bo pensa kuma bo tene vida nel ku ka ta kaba, ma i el propi ku ta diklara di mi.

40Inda asin bo ka misti bin pa mi pa bo tene vida.

41“Ami N ka ta buska pa omisKap 7.18; 8.50; 1 Tes 2.6 ngaban.

42N kunsi bos diritu; bo ka ten amor di Deus na bo korson.

43Ami N bin na nomi di ña Pape; bo ka setan. Si utru bin na si nomi propi, bo ta setal.

44Kuma ku bo pudi setan si bo na risibi rispituKap 12.43; Rom 2.29 di ŋutru, bo ka na buska rispitu ku bin di kil ki uniku Deus?

45Ka bo pensa kuma ami N na bin akusa bos dianti di ña Pape. I ten un ku na akusa bos ku seduRom 2.12 Moisés, kil ku bo pui bo speransa nel.

46Si na bardadi bo fiaba na palabra di Moisés, bo ta fiaba tambi na mi, pabia i aserka di miKap 1.45; Luk 24.27; At 26.22 ku el i skirbi.

47Si bo ka fia na kilLuk 16.29-31 ku el i skirbi, kuma ku bo na fia na ña palabra?”