Jeremias 50 - Portuguese Creole Bible, Guinea-Bissau

Anunsiu kontra Babilonia

1Es i palabra ku SIÑOR fala na boka di anunsiadur Jeremias kontra BabiloniaIs 13; 46; 47 ku tera di kaldeus:

2“Bo anunsia na metadi di nasons pa e obi!

Bo yalsa bandera, bo anunsia;

ka bo sukundi. Bo fala:

‘Babilonia tomadu!

Si deus BelKap 51.44 sta na kunfuson.

Ki utru deus Merodak sta tarpajadu;

si idulus kubridu ku borgoña;

si deusis kai!’

3“Un nason di norti bin kontra el, i na bidanta si tera lala. I ka na ten kin ku na sinta nel; omis ku limarias na kuri e bai.

4“Ami, SIÑOR, N fala kuma, na ki tempu, fijus di Israel ku Judá na binKap 31.9; Os 1.11; 3.5 juntu, e na yanda e na cora pa buska SIÑOR se Deus.

5E na punta kamiñu pa Sion, e na pega kamiñuKap 6.16; 32.40 pa la, e na bin junta ku SIÑOR pa fasi un kontratu ku ka na kaba, ku nunka i ka na diskisidu.

6“Ña pobu seduba karnelIs 53.6 ku pirdi. Se bakiaduris pui elis pa e yara, e disa elis disvia pa montis. E na yanda di un monti pa utru, e diskisi di se koral.

7Tudu kin ku oja elis, i ta nguli elis. Se inimigus ta falaba: ‘No ka ten kulpa, pabia e peka kontra SIÑOR, ku sedu se Morada justu, Speransa di se papes.’

8“Bo ba ta kuriKap 51.6,45; Is 48.20 na metadi di Babilonia, bo sai na tera di kaldeus, bo sedu suma karnel macu ku ta bai dianti di koral.

9N na lantanda un grupu di garandi nasonsKap 51.27-28 di norti, N pui elis pa e bai kontra Babilonia. E na toma se pusison kontra el, e bai tomal. Se fleŝas na sedu suma omi jitosu di gera, ku ka ta riba sin nada na mon.

10Kaldeia na robadu si rikesa; tudu jinti ku robal el e na farta. Asin ku ami, SIÑOR, N fala.

11“Abos ku roba rikesa di ña yardansa, bo pudi kontenti, bo jukuta suma fiju di baka na paja, bo pupa suma kabalus forti,

12ma bu mame i na burguñu, kil ku padiu i na fika na kunfuson. Babilonia na sedu di menus balur di ki tudu utru nasons, un lala, un tera seku, dingidu.

13Pabia di raiba di SIÑOR i ka na moradu nel, ma i na bida lala kompletu. Kualker ku pasa na Babilonia i na panta, i subiaKap 19.8 pabia di tudu si cagas.

14Bo forma na ordi di geraKap 50.29; 51.2 na roda di Babilonia, abos tudu ku ta usa mansasa. Bo fercal; ka bo guarda bo fleŝas, pabia i peka kontra SIÑOR.

15Bo grita kontra el, bo rodial. I ntrega ja. Si toris kai, si murasKap 51.58; Apok 18.6 batidu. Suma es i vingansa di SIÑOR, bo vinga del, bo fasil suma ki fasi.

16Bo kaba ku tudu sumiadur na Babilonia, ku kil ku na korta ku ŋoroto na tempu di kebur. Pabia di spada di inimigu kada kin na kuri pa si propi tera, pa si pobu.

17“Israel i suma koral pajigadu, ku lionsKap 2.15; 2 Re 17.6; 24.10-14 serka. Purmeru ku bin kume elis i seduba rei di Asiria. Na kabantada Nabukodonosor, rei di Babilonia, i bin kebra se os.

18Pabia di kila, ami, SIÑOR ku ten tudu puder, Deus di Israel, N fala kuma, N na kastiga rei di Babilonia ku si tera suma ku N kastiga rei di Asiria,

19ma N na ribanta IsraelIs 43.5-6; Ez 34.11-12 pa si morada; e na kume na monti Karmelu ku Basan, e na farta na montis di Efrain ku Jilead.

20Ami, SIÑOR, N fala kuma, ora ku ki tempu ciga, maldadi di Israel na buskadu, i ka na ojadu. Pekadus di Judá tambi ka na ojadu, pabia N na purdaKap 31.34 ki restu ku N disa ku vida.

21“Ami, SIÑOR, N fala: Bai kontra tera di Maratain, ku kilis ku moraEz 23.23 na Pekod; bu bai se tras, bu mata, bu kaba ku elis tudu. Fasi konformi tudu ku N mandau.

22BarujuKap 4.19-21; 51.54 di gera ku garandi danu sta na tera.

23Jubi kuma ku martelKap 51.20 di tudu mundu kebra-kebradu padas padas! Jubi kuma ku Babilonia bida un kusa di spantu na metadi di nasons!

24O Babilonia, N yarmau armadilia; bu pañadu antis di bu nota pa el. Bu surprindidu, bu pañadu, pabia bu staba kontra SIÑOR.

25SIÑOR yabri si kau di material di gera, i tira la feramentus di si raiba, pabia SIÑOR Deus ku ten tudu puder i ten un tarbaju pa fasi na tera di Babilonia.

26Bo bin kontra el di kau lunju, bo romba si armazens, bo fasil monton di paja, bo kaba ku el tudu, pa ka nada sobra.

27Bo mata ku spada tudu si turus, ku sedu omis di gera; e ta bai pa matadur. Ai delis! Se dia ciga, tempu di se kastigu.”

28Bo sukuta vos di kilis ku kuri, e kapli di Babilonia, pa anunsia naKap 51.10-11 Sion aserka di vingansa di SIÑOR no Deus, manera ki toma vingansa pa si templu.

29“Bo coma kontra Babilonia tudu omis ku ta usa mansasa; bo taja prasa di volta pa ka ningin kapli. Bo pagal, bo fasil konformiKap 51.56; Apok 18.6 tudu ki fasi, pabia i yanda ku orgulyu kontra SIÑOR, Deus santu di Israel.

30Asin ami, SIÑOR, N fala kuma si jovensKap 49.26 na kai na ruas; tudu si tropas na kalantadu na ki dia.

31“Ami, SIÑOR Deus ku ten tudu puder, N fala kuma N sta kontra bo, orgulyosu, pabia bu dia ciga, tempu ku N ten ku kastigau.

32Ki orgulyosu na da tapada, i kai; ningin ka na judal pa i lanta. N na pui fuguKap 21.14 na si prasas ku na kaba ku tudu ku sta na si roda.”

33Asin ku SIÑOR ku ten tudu puder fala: “Fijus di Israel ku Judá kalkadu. Tudu jinti ku leba elis katibu e pega elis, e ka seta larga elis.

34Ma se LibertadurKap 51.36 i forti; SIÑOR ku ten tudu puder i si nomi. Na bardadi i na difindi pa elis, pa tisi diskansu pa mundu, ma kunfuson pa jinti ku mora na Babilonia.”

35SIÑOR fala:

“SpadaDan 5.30 kontra kaldeus,

kontra moraduris di Babilonia!

Spada kontra si ŝefis ku jirus!

36Spada kontra si anunsiaduris munturus!

E na bida tulu.

Spada kontra si omis forti!

E na dismaja ku medu.

37Spada kontra si kabalus ku karus,

ku misturaKap 25.20,24 di rasa na se metadi!

E na sedu sumaKap 51.30; Naun 3.13 minjeris.

Spada kontra si rikesas!

E na robadu.

38Spada kontra siKap 51.36; Is 44.27; Apok 16.12 yagu!

I na seku.

Babilonia i tera di idulus;

moraduris na dudu pabia de kusas meduñu.

39“Pabia di kila, limarias brabu di lala ku kacur brabuKap 51.37 e na mora na Babilonia; kuruẑa na mora la tambi, ma jintiKap 25.12 ka na sinta la, nunka mas.

40Suma ku Deus kaba ku Sodoma ku Gomora ku se tabankas visiñu, asin ki na fasiKap 49.18; 2 Ped 2.6; Jud 7 ku Babilonia. Ningin ka na torna sinta la mas. I ami, SIÑOR, ku fala.

41“TropasKap 6.22-24 na bin di norti,

un garandi nason di lunju;

manga di reis na lanta, e purpara.

42E na toma se mansasa ku kañaku.

E sedu mau, nin e ka ta sinti pena.

Si e monta kabalus,

e ta somna suma barujuIs 5.30 di mar.

E sta tudu pruntu

pa geria kontra bo, Babilonia.

43Rei di Babilonia obi noba delis;

si mon bida moli.

Foronta toma konta del,

ku dur suma minjerKap 48.41 ku sta na partu.

44“Suma ku lion ta sai na matu ficaduKap 49.19 di Jordon, i bai kontra karnel na kau di paja bonitu, asin ku N na serka Babilonia di repenti. Kin ku N na kuji pa pui suma rei riba del? Kin ku parsi ku mi? Kin ku naJo 41.10 disafian? Kin ki bakiadur ku pudi firma ña dianti?

45Asin, bo obi planusKap 51.11; Sal 33.11 ku SIÑOR fasi kontra Babilonia, ku kusa ki pui sintidu pa fasi na tera di kaldeus. Na bardadi, ki mas pikininus di koral e na rastadu; se moradas na danadu tudu.

46Ora ku Babilonia kai, con na tirmi ku baruju di si kaida. Se gritus na obidu na metadi di nasons.”