Judas 1 - Portuguese Creole Bible, Guinea-Bissau

Kumsada ku manteña

1AmiMat 13.55 Judas, servu di Jesus Kristu, ermon di Tiagu, N na skirbi pa kilis ku Deus coma, ku vivi na amor di Deus no Pape, ku Jesus Kristu ta guardaJon 17.11-12,15 suguru.

2N misti pa Deus buri si miserikordia ku pas ku amor riba di bos.

Pursoris falsu

3Amadu ermons, oca N na buska pa skirbi bos aserka di salbason ku no junta, N sinti garandi nesesidadi di skirbi bos logu, pa da un avisu forti pa bo pega tesu na lutaFil 1.27; 1 Tim 1.18-19 pa fe ku Deus ntrega si pobu un bias pa sempri.

4Utru jinti ku nega Deus e ranja-ranjaGal 2.4 manera di yentra, e tursi palabra ku konta aserka di faburTitu 1.16; Eb 12.15 di no Deus, pa i sedu diskulpa di se mau vida; e nega Jesus1 Jon 2.22 Kristu, kil son ku ta manda, ku sedu no Siñor. Disna, Skritura jumna konta e kondenason2 Ped 2.1 ke sta nel.

5N sibi kuma bo sibi e kusas, ma N misti lembranta bos kuma, oca Siñor liberta pobu di Israel, i tira elis na tera di Ejitu. Mas tardi, i kabaNum 14.36-37; 26.65; 1 Kor 10.9-10; Eb 3.17 ku kilis ku ka fiaba.

6Suma tambi anjus2 Ped 2.4 ku ka fika dentru di otridadi ke dadu, ma e nega se propi lugar, Deus rakada elis bas di sukuru, maradu pa sempri ku korenti, pa e julgadu na ki garandi dia.

7Bo lembra tambi di SodomaKum 19.4-5,24-25; 2 Ped 2.6 ku Gomora, ku prasas ku pertu elis. Jinti di la e fasi suma ki anjus, e yanda na vida susu, e torkia usu di seksu, e sufri kastigu di fugu ntidu, pa sedu avisu pa utru jinti.

8Na mesmu manera tambi, e jinti e ta tene suñu ku ta leba elis pa e dana se kurpu2 Ped 2.10 ku pekadu; e ta nega fika bas di otridadi; e ta koba anjus di seu.

9Ŝef di anjusDan 10.13 propi, Migel, oca ki na diskuti ku diabu, e na junda-junda pabia di kurpuLei 34.6; Zak 3.2; 2 Ped 2.11 di Moisés, i ka osa fala palabra mau pa kondenal, ma i falal: “Siñor ta raprindiu.”

10Ma e jinti e ta tene palabra mau di kusas ke ka ntindi. I ten utru kusas ke ta ntindi suma ku limariaSal 49.20; 2 Ped 2.12 ku ka ta kuda ta ntindi. I e kusas propi ku ta dana elis.

11Koitadi delis! E bai na kamiñu ku Kain1 Jon 3.12 bai. Pa amor di diñeru e murguja na eru2 Ped 2.15 suma Balaon. E rafila sumaNum 16 Koré; e pirdi suma el.

12E jinti i manca2 Ped 2.13 na bo festa di amor. Ora ke na kume ku bos, e ka ta ten rispitu; e sedu bakiadurisEz 34.8 ku ta bakia son se kabesa; i suma nuvenDit 25.14 ku bentu ta leba di un ladu pa utru, ku ka ta cubi; suma po ku ka ta padiJon 15.5-6 na si tempu, i rinkadu tudu ku si rais, i muri un bias.

13E sta suma maronIs 57.20 di mar brabu ku na sukuma si susidadi di borgoña, o suma strela ku yara i na kurkuri. Deus separa un lugar di garandi sukuru pa elis pa sempri.

14EnokKum 5.18 tambi, ki di seti jorson dipus di Adon, i anunsia aserka de jinti, i fala: “Bo jubi, Siñor na binLei 33.2; Dan 7.10; Zak 14.5; Mat 25.31; 2 Tes 1.7; Apok 1.7 ku milyaris di si santus,

15pa julga tudu jinti, pa kondena kilis ku nega Deus pa kusas mau ke fasi sin mporta ku Deus, ku tudu se palabra duru ke fala kontra el.”

16E jinti ruidur e ciu keŝasiñu; e ta yanda konformi se diseẑu mau. Palabras di garandesa ta sai na se boka. E ta bari utru jinti paja pa se interes.

17Kiridu ermons, bo lembra2 Ped 3.2 palabras ku apostolus di no Siñor Jesus Kristu konta bos disna.

18E fala bos kuma, na kabantada1 Tim 4.1; 2 Tim 3.1; 2 Ped 3.3 de tempu, i na ten jinti fasiduris di trosa, ku na yanda konformi se diseẑu mau, sin mporta ku Deus.

19I esis ku ta tisi rapatimentu na metadi di jinti. E ta sigi son vontadi di se kabesa; e ka tene Spiritu di Deus.

Konsiju

20Ma abos, amadus, bo fortifika bo vidaKol 2.7 riba di bo fe ki puru dimas. Bo ba ta oraRom 8.26; Ef 6.18 na Spiritu Santu.

21Bo fika sempri dentruJon 15.9 di amor di Deus, nkuantu bo na peraTitu 2.13; 2 Ped 3.12 no Siñor Jesus Kristu, na si miserikordia, pa i da bos vida ku ka ta kaba.

22Bo sinti pena di kilis ku sta na duvida.

23Bo rabata utrus na fugu, boAm 4.11; Zak 3.2-5; Rom 11.14; 1 Kor 3.15; 1 Tim 4.16; Apok 3.4 salba elis. Bo ten pena di utrus, ma ku medu tambi; bo nuju te ropa mancadu ku pekadu ku kurpu ta dija.

Orason di ngaba Deus

24Deus ku ten puderRom 16.25; Ef 3.20-21; Kol 1.22; Apok 14.5 pa libra bos di kai, pa leba bos dianti di si pursensa gloriosu, sin kulpa, ku alegria,

25ki un Deus son, no Salbadur, pa no dalRom 16.27; 1 Tim 1.17 gloria pa meiu di no Siñor Jesus Kristu, no rikuñisil suma Rei ku na manda, ku ten puder, antis di kumsada di tempu, ku gosi, i pa tudu sempri. Amen.