Markus 10 - Portuguese Creole Bible, Guinea-Bissau

Kaba-kasamenti(Mat 19.1-12)

1Jesus sai di la, i bai pa ladu di Judeia, i kambaJon 10.40 riu Jordon. Jinti junta utru bias na si roda. I torna na nsina elis, suma si kustumu.

2Utru fariseus bai pa el pa spurmental, e puntal: “Lei ta disa pa un omi kaba ku si minjer?”

3Jesus ruspundi elis, i punta: “Ke ku Moisés fala bos na lei?”

4E ruspundil: “Moisés seta pa un omi skirbi kartaLei 24.1 di kaba-kasamenti, i dispidi si minjer.”

5Jesus ruspundi elis, i fala: “Moisés skirbi ki mandamentu pa bos pabia di duresa di bo korson,

6ma na kumsada, oca Deus na kumpu mundu, i kumpu macuKum 1.27; 5.2 ku femia.

7Pabia di kila, omi ta disa si papeKum 2.24; Ef 5.31 ku si mame pa i bai junta ku si minjer;

8elis dus e ta sedu un kurpu1 Kor 6.16 son. Asin e ka sedu mas dus, ma un kurpu son.

9E ku manda kil ku Deus junta, omi ka dibiMal 2.15-16; 1 Kor 7.11-13 di rapatil.”

10Oca ke bai kasa, si disipulus torna puntal ki kusa.

11I fala elis: “Kin ku dispidi si minjer, i kasa ku utru, i na fasi adulteriuMat 5.32; Luk 16.18; Rom 7.3; 1 Kor 7.10-11 kontra kil ki dispidi.

12Si i minjer ku nega tambi si omi, i kasa ku utru, i na fasi adulteriu.”

Jesus ku mininus(Mat 19.13-15; Luk 18.15-17)

13Utru jinti na tisiba mininus pa Jesus toka elis, ma disipulus jusia ku elis.

14Oca ku Jesus rapara ke ku na pasa, i fika ku kasabi, i fala elis: “Bo disa mininus bin pa mi. Ka bo tuji elis, pabia Deus ta rena riba di jinti suma elis.

15N na konta bos bardadi kuma, kil ku ka seta renu di Deus sumaMat 18.3; 1 Kor 14.20; 1 Ped 2.2 mininu, di nin un manera i ka na yentra nel.”

16I barsa elis, i pui si mon riba di kada un, i ora pa elis.

Un riku ku na buska vida ku ka ta kaba(Mat 19.16-30; Luk 18.18-30)

17Oca Jesus sai, i pega kamiñu pa bai, un omi kuri pa el, i finka juju si dianti, i puntal: “Bon Mestre, ke ku N dibi di fasi pa ngaña vida ku ka ta kaba?”

18Jesus puntal: “Pa ke ku bu na coman bon? Ningin i ka bon; Deus son ki bon.

19Bu kunsiSai 20.12-17; Rom 13.9 mandamentus: ‘Ka bu mata; ka bu dita ku algin ku bu ka kasa ku el; ka bu furta; ka bu lantanda falsu tustumuñu; ka bu nturja; rispita bu pape ku bu mame.’ ”

20Omi ruspundi, i falal: “Mestre, N guarda e kusas tudu disna di pikininu.”

21Jesus finkal uju, i sinti amor pa el, i falal: “Un kusa son ku faltau. Bai, bu bindiMat 6.19-21; Luk 12.21 tudu ku bu tene, bu da ki diñeru pa pobris, bu ta tene rikesa na seu. Dipus, bu ta bin, bu sigin.”

22Oca ku omi obi ki palabra, si rostu rabida, i bai tristi, pabia i teneba manga di rikesa.

23Jesus jubi pa si disipulus na si roda, i fala elis: “I kansadu dimas pa rikus yentra na renu di Deus!”

24Si disipulus fika dimiradu ku ki palabra. Jesus torna fala elis: “Ña fijus, i kansadu dimas pa yentra na renu di Deus!

25I mas lestu pa un kamelu pasa na koba di guja te pa un riku seta pa Deus rena riba del.”

26Ku e palabra disipulus fika mas dimiradu inda, e punta ŋutru: “De manera li, kin ku pudi salba?”

27Jesus finka uju nelis, i ruspundi: “Omi ka pudi fasil, ma i ka kansadu pa Deus, pabia DeusJer 32.17; Luk 1.37 pudi fasi tudu kusa.”

28Pedru rabida i falal: “Jubi, anos no disa tudu pa yanda ku bo.”

29Jesus ruspundi i fala elis: “N na konta bos bardadi kuma, i ka ten ningin ku disa si kasa, o ermons macu o femia, o mame o pape, o fijus, o bulañas, pabia di mi ku di Bon Noba,

30ku ka na risibi sen bias mas ciu2 Kron 25.9 ne tempu li, ku kasas, ermons macu ku femia, mames, ku fijus, ku bulañas, tambi ku pirsigison; na tempu ku na bin i na risibi vida ku ka ta kaba.

31Manga di kilis ku sta diantiMat 20.16; Luk 13.30 e na fika tras. Kilis di tras e na pasa dianti.”

Jesus torna fala kusa di si mortu(Mat 20.17-19; Luk 18.31-34)

32E staba na kamiñu pa bai Jerusalen. Jesus na baiba se dianti. Disipulus na kudaba ciu; utru jinti ku na binba se tras e staba ku medu. Jesus torna coma ki dozi aparti, i kumsa na konta elis ke ku na binKap 8.31; 9.31; Mat 16.21 sedu ku el.

33I fala elis: “Bo sukuta. No na bai Jerusalen nunde ku Fiju di omi na ntregadu pa ŝefis di saserdoti, ku pursoris di lei. E na bai kondenal pa mortu, e na ntregal na mon di jinti ku ka sedu judeu.

34Elis e na fasil trosa, e na kuspil, e sutal, e matal, ma, dipus di tris dia, i na lanta di mortu.”

Kusa ku Tiagu ku Jon pidi(Mat 20.20-28)

35Tiagu ku Jon, fijus di Zebedeu, e bai pa Jesus, e falal: “Mestre, i ten un kusa ku no misti pidiu pa bu fasinu.”

36Jesus punta elis: “Ke ku bo misti pa N fasi bos?”

37E falal: “Ora ku bu sinta na bu renu di gloria, pa bu disanu sinta, un na bu mon direita, utru na mon skerda.”

38Jesus fala elis: “Bo ka sibi nin ke ku bo na pidi. Nta bo pudi bibi na kopu ku N na bibi nel, o bo pudi batisadu na manera ku N na batisadu?”

39E ruspundil: “No pudi.” Jesus fala elis: “Na bardadi, bo na bibi na kopu ku N ten ku bibi nel, bo na batisadu na manera ku N ten ku batisadu,

40ma sinta na ña mon direita o na ña mon skerda, i ka ami ku ten diritu di dal. E lugar i pa kilis ki sta markadu pa elis.”

41Oca ku ki des obi e kombersa, e paña raiba di Tiagu ku Jon.

42Jesus coma elis pertu del, i fala elis: “Suma ku bo sibi, jinti ku rikuñisidu suma gubernaduris di jintius e ten forsa nelis; se ŝefis ten garandi otridadiLuk 22.25-26 riba delis,

43ma na bo metadi i ka pudi sedu asin; kil ku misti sedu garandi na bos, el i na sedu bo kriadu.

44Kil ku misti sedu purmeru na bos, i dibi di sedu katibu di tudu.

45Fiju di omi propi ka bin pa i sirbidu,Jon 13.14; Fil 2.7 ma pa i sirbi, i da si vida1 Tim 2.6; Titu 2.14 pa liberta manga di jinti.”

Jesus kura Bartimeu(Mat 20.29-34; Luk 18.35-43)

46E ciga Jerikó. Oca ku Jesus na sai di prasa ku si disipulus, ku manga di jinti, i staba un segu comadu Bartimeu, fiju di Timeu, ku na pidi simola, sintadu na roda di kamiñu.

47Oca ki obi kuma i sedu Jesus di Nazaré, i kumsa na grita: “Jesus, Fiju di Davi! Ten pena di mi!”

48Manga di jinti na jusia ku el pa i kala, ma el i na gritaba inda mas: “Fiju di Davi! Ten pena di mi!”

49Jesus para, i fala elis pa e comal. E bai comal, e falal: “Ten koraẑen; lanta, i na comau.”

50Segu ferca si kapa, i jukuta dipresa, i bai pa Jesus.

51Jesus puntal: “Ke ku bu misti pa N fasiu?” Segu falal: “Mestre, N misti torna oja.”

52Jesus falal: “Bai, bu feMat 9.22 kurau.” Na ki ora propi Bartimeu oja; i pega kamiñu tras di Jesus.