Jo 34 - Portuguese Creole Bible, Guinea-Bissau

1Eliu fala mas:

2“Abos, omis jiru, bo obi ña argumentus;

abos ntindidus, bo mpina bo oreja pa mi,

3pabia oreja i ta purba

si i ta pui Deus kontenti.

10“Asin, abos omis di ntindimentu, bo sukutan.

Fasi mal i lunjuKum 18.25; Lei 32.4; 2 Kron 19.7; Rom 9.14 di Deus.

Fasi kusa injustu i lunju di kil ku ten tudu puder.

11I ta paga omi pa tarbajuSal 58.11; 62.12; Dit 24.12; Jer 32.19; Mat 16.27; Rom 2.6-11; 1 Kor 3.8; 2 Kor 5.10; Apok 22.12 ki fasi,

i ta trata kada kin konformi si manera di yanda.

12Na bardadi Deus ka ta fasi kusas na un manera mau;

kil ku ten tudu puder ka ta tursi justisa.

13Kin ku ntregal1 Kron 29.11-12 puder?

Kin ku nkargal tudu mundu?

14Si Deus pui si korson kontra omi,

i rukuji si spiritu ku si folgu,

15jinti ku tene vida ta muriba tudu juntu;

omi ta ribabaEkl 12.7 pa reia.

16“Asin, si bu ten ntindimentu, obi es;

bu mpina bu oreja, bu obi ke ku N na falau.

17Nta kil ku ka gosta di justisa i na guberna?

Bu misti kondena kil ki justu, i ten puder?

18Algin ta fala rei: ‘Abo i mau’?

O i ta fala ŝefis: ‘Abos bo ka bali’?

19Ku fadi kil ku ka ta toma parti2 Kron 19.7; Gal 2.6; Ef 6.9; Kol 3.25; 1 Ped 1.17 di ŝefis,

nin i ka ta rispita riku mas di ki koitadi,

pabia elis tudu i tarbaju di si mon.

20E ta muri me-noti, di repenti;

jinti ta bulbulidu, e pasa;

kilis ku ten puder e ta tomadu sin mon di omi.

21“Si uju sta riba di kamiñu di kada kin,

i na jubi tudu se pasus.

22I ka ten kau sukuru, pa mas sukuruSal 139.7-12; Is 29.15; Am 9.2-3; Eb 4.13 ki sedu,

nunde ku kilis ku fasi mal pudi sukundi.

23Deus ka pirsisa pa omi lebadu si dianti pa justisa,

pa i pudi jubil mas diritu.

24I ka pirsisa di punta di kasu

pa i kebranta jinti ku ten puder,

i pui utrus na se lugar.

25Suma ki sibi ke ke na fasi,

i ta bati elis di noti, i kebranta elis.

26Pabia di se maldadi i ta kastiga elis

na uju di tudu jinti,

27pabia e disvia del,

e ka misti ntindi nin un di si ordis.

28Elis e puiba koitadis grita pa Deus;

Deus obi manera ke na grita na se foronta.

29Si i kala, kin ku na kondenal?

Si i kubri rostu, kin ku na ojal?

Ma el i ten puder riba di un nason,

tambi riba di un omi son,

30pa omi finjidu ka rena mas,

pa nason ka pañadu na lastru.

31“Un omi pudi fala Deus:

‘N tenKap 33.27; Sir 26.40-41 kulpa, ma N ka na peka mas.

32Nsinan kilKap 10.2; Sal 19.12 ku N ka na oja.

Si N fasi mal,

nunka mas N ka na fasil.’

33Suma ku bu ta njuti ke ku Deus ta fasi,

el i dibi di pagau konformi bu misti?

Abo ku na disidi kila; i ka ami.

Konta ke ku bu sibi.

34“Kualker omi jiru o jinti ntindidu

ku na sukutan, e na falan:

35‘Jo papia sin kuñisimentu;

si palabras ka ten jiresa.’

36I bon pa Jo probadu te na kabantada,

manera ki ruspundi suma omi mau!

37Riba di si pekadu i buri disobdiensia.

I njutinu, i tokanu palmu,

i buri si palabras kontra Deus.”