Eklesiastis 1 - Portuguese Creole Bible, Guinea-Bissau

Tudu kusa de mundu i bakatela

1Es i palabras di filósofu, rei2 Kron 9.30-31 na Jerusalen, fiju di Davi.

2“Bakatela! Bakatela!” Asin ku filósofu fala. “TuduKap 1.14; 2.1,11,15,17,19,21,23,26; 3.19; 4.4,7-8,16; 5.10; 7.6,15; 8.10,14; 11.8,10; 12.8 i bakatela, i ka ten balur.”

3Kal purbitu ku omi ten di tudu si tarbajuKap 2.22; 3.9; 5.16 ki fasi bas di sol?

4Un manjuandadi ta lanta, i muri; utru ta lanta, ma munduSal 104.5; 119.90 sempri i ta fika.

5Sol ta mansi, i ta kai, i torna da volta pa kau ki sai nel.

6Bentu ta baiJo 37.9,17; Jon 3.8 pa sul, i ta rabida pa norti; sempri i ta fika i na boltia, i riba pa si rumu ki sai nel.

7Tudu rius ta bai pa mar, ma mar ka ta inci. Yagu ta riba sempri pa lugar ku riu kumsa nel, pa torna kuri mas.

8Tudu e kusas ta kansa jinti mas di ki kil ku N pudi splika. Uju ka ta farta jubi, nin oreja pa obi.

9Kil ku sedubaKap 3.15 i na torna sedu; kil ku fasidu i na torna fasidu mas. Asin i ka ten nada nobu bas di sol.

10O i ten un kusa ku pudi faladu: “Jubi, e kusa i nobu”? Nau, i kusa ku seduba ja disna, antis di no padidu.

11Ningin ka ta lembra di kusas ku pasa; kil tambi ku na bin sedu, jinti ku na bin padidu mas tardi e ka na lembra del.

Jiresa ka bali nada

12Ami, filósofu, N sedu rei na Jerusalen riba di Israel.

13N pui sintiduKap 1.17; 7.25; 8.9,16 pa rabista, pa N studa ku jiresa tudu ku pasa bas di seu. Es i kargu kansaduKap 3.10 ku Deus pui riba di omis!

14N jubi diritu pa tudu tarbaju ku ta fasidu bas di sol, N oja kuma tudu i bakatela, sumaKap 1.2,17; Kap 2.11,17; 4.4,6,16 kin ku na serka bentu.

15Kusa ku jingi ka pudiKap 7.13; Is 40.4; 1 Kor 1.27-28 ndiritadu;

kil ku ka sta ka pudi fasidu konta del.

16N fala na ña sintidu: “N bin sedu algin garandi,Kap 2.9; 1 Re 3.12-13; 4.30 N torna mas jiru di ki tudu ku rena na Jerusalen antis di mi. Na bardadi, N ngaña manga di jiresa ku kuñisimentu.”

17N pui sintiduKap 1.13 pa ntindi jiresa, pa N ntindi tambi ke ki tulesa ku ke ki kabesa mbariadu, ma N bin rapara kuma i suma N naKap 1.14 serka bentu.

18Manga diKap 12.12 jiresa ta tisi manga di kansera;

mas ku bu sibi, mas tristesa ku bu ta ten.