Ripitison di Lei 23 - Portuguese Creole Bible, Guinea-Bissau

Jinti ku ka ten diritu di sta na juntamentu

1Omi ku kapadu, o i tene si macundadi kortadu,Is 56.3-5 i ka pudi mati na juntamentu di SIÑOR.

2Algin ku padidu fora di kasamenti legalEb 12.8 i ka pudi mati na juntamentu di SIÑOR, nin si fijus ka pudi mati, mesmu te na si desimu jorson.

3Nin un amonita nin moabita, nin seRut 2.6,12; Ne 13.1-2 fijus, mesmu te na desimu jorson, e ka pudi mati na juntamentu di SIÑOR.

4E ka sai ku pon ku yagu pa risibiu na kamiñu, oca ku bu na binba di Ejitu, ma e luga Balaon,Num 22.4-5 fiju di Beor, di Petor di Mesopotamia, pa i bin maldisuau.

5SIÑOR bu Deus ka seta obi Balaon; i fasi ki maldison pa i sedu benson,Num 24.9 pabia SIÑOR bu Deus amau.

6Ka bu buska pasEsd 9.12; Ne 13.23-25 ku elis, nin ka bu juda elis nkuantu bu sedu nason.

7Ka bu nuju un edomeu,Kum 25.24-26,30; Num 20.14 pabia i bu ermon, nin ka bu nuju un ejipsiu, pabia bu seduba stranjeru na si tera.

8Se bisnetus ku se jorson pa dianti e pudi mati na juntamentu di SIÑOR.

Susidadi na kampamentu

9Ora ku bu sai ku tropas kontra bu inimigus, libra di tudu kusa impuru na kampamentu.

10Si un omi sta impuru pabia simenti di kopula sai nel di noti, i ten ku sai foraSir 15.16-17 di kampamentu, i fika la.

11Di tardiñu i ta laba kurpu; ora ku sol kai i ta riba pa kampamentu.

12Ranja un kau fora di kampamentu nunde ku bu pudi bai altu.

13Juntu ku bu ekipamentu bu ten ku tene un pá pikininu. Ora ku bu bai altu, bu na koba koba; dipus bu ta kubril.

14SIÑOR bu Deus ta yanda na metadiSir 26.12 di bu kampamentu, pa difindiu, tambi pa dau vitoria riba di bu inimigus. Pabia di kila, bu kampamentu ten ku sedu puru, pa i ka oja kusa fiu na bo, i dau kosta.

Leis aserka di utru kusas

15Si katibu di algin bin roga nunde bo, ka bu ntregal1 Sam 30.15; Ob 14; Filem 10-12 pa si mestre.

16I pudi fika na bo metadi, na kau ki kuji na kualker di bu prasas; ka bu maltratal.

17Na metadi di fijus di Israel i ka na ten nin omi nin minjer ku na bindi si kurpu na mau vidaKum 19.4-5; Sir 19.29; Ŝef 19.22; 1 Re 14.24; 15.12; 22.46; 2 Re 23.7; Rom 1.27; 1 Kor 6.10; 1 Tim 1.10 pa sirvis di templu.

18Diñeru ngañadu na mau vida, nin si i di minjer o di omi, i ka pudi tisidu pa kasa di SIÑOR bu Deus pa paga kualker votu, pabia SIÑOR nuju e kustumus tudu.

19Si bu pista diñeru o kumida o kualker utru kusa pa bu ermon israelita, ka bu kobralSai 22.25 juru.

20Bu pudi kobra stranjeru juru na kil ku bu pistal, ma ka bu kobra juru na kil ku bu pista bu ermon, pa SIÑOR bu Deus pudi bensuau na tudu bu tarbaju na tera ku bu na bai yarda.

21Si bu purmiti SIÑOR bu Deus un kusa, ka bu tarda pa kumpriNum 30.2; Ekl 5.4-6; Jona 2.9 bu palabra, pabia SIÑOR bu Deus na perau pa bu kumpril; si bu ka fasil, bu na ojadu ku pekadu.

22Si bu ka fasi purmesa, bu ka na ojadu ku pekadu,

23ma kil ku bu fala ku bu boka, bu ten ku guardal, bu kumpril, pabia bu da purmesa pa SIÑOR bu Deus di bu libri vontadi, bu diklaral ku bu boka.

24Si bu yentra na orta di uva di bu kumpañer, bu pudi kume tudu uvas ku bu misti, tok bu farta, ma ka bu pui elis na un kusa pa leba.

25Si bu pasa na lugar di bu kumpañer, bu pudi rinka garan di miju ku bu monMat 12.1 pa kume, ma ka bu miti ŋoroto na kebur di bu kumpañer.