Ripitison di Lei 34 - Portuguese Creole Bible, Guinea-Bissau

1Moisés sai na kau rasu di Moab, i bai pa monti Nebu, i subi na ponta mas altu diKap 3.27; 32.49 Pisga, filadu ku Jerikó. SIÑOR mostral tudu tera desdi Jilead te na Dan,

2tudu Naftali, tera di Efrain ku di Manasés, tudu con di Judá te na MarKap 11.24 Mediteraneu,

3ladu di sul ku kau rasu, kobon di Jerikó, prasa diKum 14.2; Ŝef 1.16; 3.13; 2 Kron 28.15 palmeras, te na Zoar.

4SIÑOR falal: “Kila i tera ku N purmiti Abraon, Isak ku JakóKum 12.7 ku juramentu, oca ku N fala elis kuma N na dal pa se jorson. N na mostrau el pa bu ojal ku bu uju, ma bu ka na kamba pa la.”

5Asin Moisés, servu di SIÑOR, muri la na tera di Moab, konformi kil ku SIÑOR fala.Kap 31.14

6Deus nteralJud 9 na tera di Moab, na kobon dianti di Bet-Peor; te aos ningin ka sibi kau sertu ki nteradu nel.

7Moisés muri ku sentu i vintiKap 31.2 anu, ma nin si uju ka sukuru, nin i ka pirdi si forsa.

8Fijus di Israel coral trinta diaKum 50.3,10; Num 20.29 na kau rasu di Moab, tok e kompleta dias di cur.

9Josué, fiju di Nun, staba incidu ku spiritu di jiresa, pabia Moisés puiba monNum 27.18-23; Jos 1.16-18; Is 11.2 riba del. Asin fijus di Israel obdisil, e fasi suma ku SIÑOR manda Moisés.

10Nunka mas anunsiadur ka lanta na Israel suma Moisés, ku SIÑOR kunsi ujuKap 5.4-5; 18.15-18; Sai 33.11 ku uju,

11ku fasi tudu ki sinal ku milagris ku SIÑOR mandal pa i fasi na tera di Ejitu, kontra Faraó ku tudu si ŝefis ku tudu si tera.

12I ka ten utru anunsiadur ku tenba puder pa fasi kusas meduñuKap 4.34; Sai 4.2-9,21,29-30; 14.21,27 suma kilis ku Moisés fasi dianti di uju di tudu Israel.