2 Koríntius 12 - Portuguese Creole Bible, Guinea-Bissau

Vison di Paulu

1I pirsis pa N njata, nin ki ka ten purbitu, ma N na pasa pa konta kusa ku Siñor mostran, i kontan.

2N kunsi un omi di Kristu ku ten katorzi anu ki rabatadu pa terseru seu. Si i na kurpu o fora di kurpu N ka sibi, ma Deus sibi.

3N sibi kuma ki omi (si i na kurpu o fora di kurpu N ka sibi, ma Deus sibi)

4kuma i rabatadu paLuk 23.43 Paraísu, i obi palabra sukundidu ku boka di omi ka pudi konta.

5Aserka de omi N pudi njata, ma di mi propi N ka na njata; son na kusas ku ta mostra ña frakesaKap 11.30 ku N pudi njata.

6Si N mistibaKap 10.8 njata, N ka na sedu tulu, pabia N na kontaba kil ki bardadi, ma N na disa, pa ka ningin kuda di mi mas di ki kil ki na oja na mi, o ki na obi na ña boka.

7Pa ka N pudi inci di garandesa pabia di kusa garandi ku Deus mostran, N dadu un kusa ku N pudi fala “fididaŜef 2.3; Ez 28.24 na ña kurpu”, ku Satanas ta manda pa bofotian, pa ka N pudi yalsa kabesa dimas.

8Tris bias N ora SiñorLei 3.23-27; Mat 26.39-44 aserka del, pa i tiran el,

9ma i falan kuma si grasaIs 40.29; 41.10 justan, pabia si puder i ta mas sta kompletu si N sta fraku. Asin, N ta kontenti pa njata na ña frakesa, pa puder di Kristu pudi sta riba di mi.

10N ta sinti alegriaKap 7.4; 13.4; Rom 5.3 na ña frakesa, na njuria, na falta, na pirsigison, na kasabi, tudu pa amor di Kristu. Ora ku N sta fraku, la ku N ta sedu mas forti.

Kudadi di Paulu pa koríntius

11N fasi suma tulu manera ku N ngaba ña kabesa, ma abos ku obrigan pa N fasi asin. Abos ku dibi di ngabanba. Nin ku N ka sedu nada, ma N ka sta mas bas di ki ki boKap 11.5 garandi apostolus!

12Ki manga di sinalRom 15.18-19; 1 Kor 9.2 ku milagri ku maravilya ku N fasi bo dianti, ku garandi pasensa, e ta proba kuma N sedu apostolu.

13Na kal manera ku bo tratadu mas pior di ki utru igreẑas? I pabia N ka kumeKap 11.7,9 na bo kusta? Garandi mal ku N fasi! Bo purdan!

14Ali N sta pruntu pa bai visita bos terseruKap 13.1 bias. N ka na kume na bo kusta, pabia N ka na buska kil ki di bos, ma bos propi. I ka fiju ku ta junta kusas pa papes, ma i papes ku ta junta pa fijus.

15N ta kontenti pa gasta tudu ku N tene, te ña kurpu, pa juda bos. N na ama bosKap 6.12; Fil 2.17; 1 Tes 2.8 kada bias mas; N dibi di sedu menus amadu tambi?

16Bo na seta kuma N ka pisadu pa bos, ma algin na fala kuma N seduba jiru; N paña bos ku nganu.

17Nta N sploraKap 7.2 bos ku kualker di kilis ku N manda bos?

18N roga TituKap 8.16-18 pa i visita bos; N manda ki utru ermon ku el. Nta Titu splora bos? No ka na yanda na mesmu spiritu? No ka na fasi di mesmu manera?

Ultimu avisu ku manteña

19Talves tudu e tempu bo kuda kuma no misti difindi dianti di bos, ma no na fala dianti di Deus, suma algin di Kristu. Tudu ku no na fasi i pa juda kumpu bos.

20N ten medu pa, ora ku NKap 10.2; 1 Kor 4.21 ciga, N ka bai oja bos suma ku N misti; pa ka abos tambi bo ojan na manera ku bo ka misti; pa ka i ten jus na bo metadi, ku nveẑa, raiba, junda-junda, rui, sibi di vida di utru jinti, garandesa ku jumbulumani.

21N ten medu pa, ora ku N bai, ña Deus i na rebaŝan bo dianti, tok N ta coraKap 2.1 riba di kilis ku tarda peka, e ka ripindi di se susidadi,1 Kor 5.1 ku mau vida, ku pekadu seksual ke fasi.