Ditus 1 - Portuguese Creole Bible, Guinea-Bissau

Balur di Ditus

1Es i ditus

pa da jovens kuñisimentu ku bon juisu;

5pa omi jiru pudi obil, i kirsi na jiresa;

pa omi ntindidu pudi ngaña konsijuKap 9.9; 12.1,15; 13.10; 18.15; 19.20,25; 21.11 jiru;

6pa ntindi ditus ku se signifikadu;

pa ntindi palabras ku adiviñas di jirus.

Konsiju pa rapasis

7Rispita SIÑOR i purmeru pasu paKap 9.10; 23.17; Jo 28.28; Sal 111.10; Ekl 12.13 kuñisimentu, ma tulusKap 1.25,30; Kap 5.12-13; 10.17; 13.1,18; 15.5,10; 18.2; 19.20; 29.1; Rom 1.28 ta njuti jiresa ku nsinamentu.

8Ña fiju, para sintidu na nsinamentuKap 4.1-4; 6.20; 15.5; 23.22,25; 30.17; Sir 19.3; Lei 5.16; 27.16; Ef 6.1 di bu pape; ka bu disa kusa ku bu mame nsinau,

9pabia i na sedu suma koroa bonituKap 3.22; 4.9; 1 Tim 2.9-10 pa bu kabesa, o suma fiu pa bu garganti.

10Ña fiju, si jinti mau misti tentauKum 39.7-12; Sal 1.1; Ef 5.11 ku palabra sabi, ka bu seta.

11E pudi falau: “Bin ku nos, no buska algin pa mata; no montaKap 12.6; Jer 5.26; Mik 7.2 mboskada pa un algin ku ka fasinu mal!

12No nguliSal 124.2-3; Mis 2.5,16 elis bibu, di un bias, suma difuntu ku riantadu pa koba.

13No na oja tudu koldadi rikesa, no inci no kasaIs 10.13-14 ku kusas ku no furta.

14Bin junta ku nos; no na tene son un bolsu.”

15Ña fiju, ka bu yanda juntuKap 4.14-15,27 ku elis; ka bu pui pe na se kamiñu,

16pabia se pe ta kuriKap 6.18; Is 59.7; Rom 3.15 pa pekadu, e ta janti pa darma sangi.

17I ka bali pena distindi ridia dianti di kacu oca ki na jubiu.

18Ki jinti e ta monta mboskada kontraKap 5.22; 21.7 se propi kabesa, e na montia se propi vida.

19I asin ki kamiñu di algin ku ta yanda na tarpasa. Ki tarpasa i ta tira vida di algin ku yentra nel.

Jiresa na coma

20Jiresa na grita na rua; na un kau publiku i yalsaKap 8.1; 9.1-3 fála.

21I na papia altu na ntronkamentus nunde ku jumbulumani ciu; na portons di prasa i ta da si palabra:

22“O tulus! Te kal tempu ku bo na ama tulesa? Abos trosaduris, te kal tempu ku bo na kontenti pa fasi trosa? Abos tulus, te kal tempu ku bo na disgosta di kuñisimentu?

23Si bo kudi ora ku N raprindi bos, N ta darmaJoe 2.28 ña spiritu ciu riba di bos, N ta pui pa bo sibi ña palabras.

24N coma, ma bo negaIs 65.12; 66.4; Jer 7.13; Mat 23.37; Rom 10.21 kudi; N distindi mon, ma i ka ten kin ku para sintidu.

25Bo negaKap 1.30; Sal 107.11; Jer 44.16-17; Luk 7.30 tudu ña konsiju; oca ku N raprindi bos, bo ka mistiba kudi.

26Asin N na ri ora ku mal bin pa bos; N na fasi trosa ora ku garandi medu ciga pa bos,

27ora ku garandi medu ciga pa bosKap 3.25; 10.24-25 suma turbada, ora ku mal bin pa bos suma urdumuñu, ora ku kasabi ku foronta bin riba di bos.”

Jiresa kontinua i fala:

28“Na ki dia e na coman, ma N ka naJo 35.12; Sal 18.41; Is 1.15; Jer 11.11; 14.12; Ez 8.18; Mik 3.4; Zak 7.13; Tia 4.3 kudi; e na buskan ma e ka na ojan.

29E disgosta di kuñisimentu, e ka kujiLuk 10.42; Eb 11.25 rispitu pa SIÑOR.

30E ka misti ña konsiju, e njutiKap 1.25; 13.13 ña raprinson.

31Asin e na risibi rusultaduKap 5.22; 8.36; Is 3.11; Jer 2.19 di kusas ke fasi. Se planus pa mal na kai riba delis.

32Jinti simplis na muri pabia di se disviu. Jinti tulu ku pensa kuma e sta ben e na pirdi,

33ma kil ku para sintidu na ña palabra i na mora suguru, ketu, sin medu di mal.”