Saida 28 - Portuguese Creole Bible, Guinea-Bissau

Ropa pa saserdotis(Sai 39.1-7)

1“Manda coma bu ermon Aron ku si fijus, na pitural di disison, pa e sta riba di korson di Aron ora ki na yentra pa SIÑOR. Asin Aron na pui pitural riba di si korson, pa i pudi diskubri sempri vontadi di SIÑOR pa fijus di Israel.

Utru ropa pa saserdotis(Sai 39.22-31)

31“Kamisoti ku ta bai juntu ku efodi, kumpul tudu ku fazenda azul.

32Na metadi del i na ten abertura pa kabesa pudi yentra. Ki abertura na sedu reforsadu ku un gola tisidu, pa ka i rumpi.

33Bu na toma lan azul, purpura ku burmeju, bu borda na roda di baiña di kamisoti ku ki fruta comadu roman.1 Re 7.18; 2 Re 25.17 Na metadi di kada dus roman bu na pui un sinu pikininu di uru.

34Asin i na ten na tudu roda di baiña di kamisoti un sinu, un roman, un sinu, un roman.

35Aron na bistil ora ki na yentra na sirvis, pa ki sinus obidu ora ki na yentra dianti di SIÑOR, ora ki na sai tambi, pa ka i bin muri.

36“Kumpu tambi un laminaKap 29.6; Sir 8.9; Zak 6.11; 14.20 di uru puru. Suma ku algin ta grava karimbu, asin ku bu na grava e palabras: DEDIKADU PA SIÑOR.

37Maral ku korda azulNum 15.38 na frenti di ŝapeu.

38Aron ten ku lebal sempri na si rostu, pa ami, SIÑOR, N pudi setaIs 56.7; 1 Ped 2.5 tudu ofertas ku fijus di Israel dedika pa mi, nin si pobu fasi kualker eru na manera di da ki ofertas.

39“Kumpu kamisoti ku liñu finu, bu kumpu tambi ŝapeu ku liñu finu, ma sintu na sedu bordadu pa algin ku sibi ki tarbaju.

40“Pa fijus di Aron, kumpuKap 28.2; Sir 8.13 kamisotis, sintus, ku ŝapeus kumpridu, pa fajamentu ku onra.

41Bu na bisti bu ermon Aron ku si fijus ku ki ropa, bu unjiKap 30.30 elis ku azeiti, bu dedikaSir 8; Num 3.3 elis, bu separa elis pa e tarbaja pa mi suma saserdotis.

42“Kumpu kalsonKap 20.26; Sir 6.10; 16.4; Ez 44.18 di liñu pa elis ku ta bai desdi sintura te na perna, pa se kurpu nun ka ojadu.

43Aron ku si fijus na bisti ki kalson sempri ora ke na yentra na tenda di juntamentu, o ora ke ciga lungu di altar, pa tarbaja na kau sagradu, pa ka e bin ten kulpa,Sir 22.9 e muri.

“Es na sedu lei pa sempri pa Aron ku si jorson.