Jo 2 - Portuguese Creole Bible, Guinea-Bissau

Sugundu proba di Jo

1Utru bias anjus di Deus bai pursenta dianti di SIÑOR. Satanas bai juntu ku elis pa bai pursenta.

2SIÑOR puntal: “Nunde ku bu sai nel?” Satanas ruspundi SIÑOR i falal: “N na daba volta di mundu, N na pasiaba nel.”

3SIÑOR punta Satanas: “Bu nota pa ña servu Jo? I ka ten ningin na mundu ku parsi ku el. I omi di bardadi ku ta rispitan, i ta yanda diritu, i libra di fasi mal. El i guarda si bardadi te gosi, mesmu ku bu cucin i toma padas di puti pa kosa ku el.

9Si minjer falal: “Nta bu na guarda bu bardadi inda? Maldisua Deus, bu muri!”

10Jo ruspundil: “Bu na papia suma dudu! Nta no na risibi benKap 1.21-22 di Deus, no ka na risibi mal?”

Na tudu e kusas Jo ka peka kontra Deus ku si boka.

Tris amigu di Jo

11Jo teneba tris amigu ku seduba Elifaz di prasa diKum 36.11,15; Jer 49.7 Teman, Bildad di tera diKum 25.2 Suá, ku Zofar di tera di Naama. Oca ke obi tudu mal ku bin riba di Jo, kada kin sai na si lugar. E ruma pa kontra, pa bai juntu pa falal manteña, pa konsolal.

12Oca ke staba inda lunju, e ojal, e ka raparal. Dipus e yalsa se fála, e cora; kada kin rumpi si manta, i bota puera riba di si kabesa.

13E sinta ku el na con seti dia ku seti noti, ma ningin ka falal nada, pabia e oja kuma si dur meduñu.