Markus 2 - Portuguese Creole Bible, Guinea-Bissau

Jesus kura un omi ku ka ta yandaba(Mat 9.1-8; Luk 5.17-26)

1I pasa puku dias, Jesus riba pa Kafarnaun. Jinti bin sibi kuma i sta na kasa,

2e junta tok lugar ka tenba, nin na baranda. Jesus na kontaba elis palabra di Deus.

3Kuatru omi karga un omi ku duensi tok i ka pudiba bulbuli kurpu, e leba pa Jesus.

4Manera ke ka pudi ciga lungu di Jesus pabia di jinti, e diskubri ladu di kankra, e yabri buraku riba di kau ku Jesus staba nel, e rianta kanape ku ki duenti.

5Jesus oja se fe, i fala duenti: “Ña fiju, bu pekadu sta ja purdadu.”

6Utru pursoris di lei sintaba la; e kumsa na papia dentru di se sintidu, e punta:

7“Ke ku manda e omi na papia asin? I na lebsi Deus! Kin ku pudi purda pekadu si i ka Deus son?”

8Jesus ntindiSal 139.1-4 janan ki kusa ke na kuda; i punta elis: “Ke ku manda bo na papia asin na bo sintidu?

9Kal ki mas lestu: pa fala e omi ku ka pudi bulbuli kurpu kuma si pekadu sta ja purdadu, o pa falal pa i lanta, i toma si kanape, i yanda?

10Bo na sibi kuma ami, Fiju di omi, N ten puder na tera pa purda pekadu.” I rabida i fala duenti:

11“N na falau, lanta, bu toma bu kanape, bu bai pa kasa.”

12I lanta janan, i toma si kanape, i sai. Tudu jinti ojal, e fika dimiradu, e ngaba Deus, e fala: “Nunka no ka oja kusa suma es!”

Jesus coma Levi (Mateus)(Mat 9.9-13; Luk 5.27-32)

13Jesus torna bai praia. Manga di jinti bai lungu del; i kumsa na nsina elis.

14I bai mas dianti, i oja Levi, fiju di Alfeu, sintadu na si kau di kobra mpustu. I falal: “Bin no bai.” I lanta, i bai ku el.

15Oca Jesus ku si disipulus sintaba na mesa na kasa di Levi, manga di kobradur di mpustu ku utru jinti di mau nomi sinta juntu ku elis. Jinti ku na sigil e baiba ciu.

16Utru pursoris di lei di grupu ku comadu fariseus oja Jesus na kume juntu ku ki jinti; e punta si disipulus: “Ke ku manda i na kume ku kobraduris di mpustu ku jinti di mau nomi?”

17Jesus obi ki kusa, i fala elis: “Kilis ku san e ka pirsisa di mediku, son kilis ku duensi. Ami N ka bin coma jinti justu, ma N bin pa coma kilis ku ta fasiMat 18.11; 1 Tim 1.15 pekadu.”

Junjun(Mat 9.14-17; Luk 5.33-39)

18Oca fariseus ku disipulus di Jon Batista na junjuŋaba, utru jinti bai pa Jesus, e puntal: “Ke ku manda disipulus di Jon ku di fariseus ta junjuŋa, ma bu disipulus ka ta junjuŋa?”

19Jesus punta elis: “Nta jinti ku kumbidadu kasamenti e pudi junjuŋa nkuantu noivu sta ku elis? Si noivu sta ku elis e ka pudi junjuŋa.

20Tempu na ciga ke na tiradu noivu; ki ora e na bin junjuŋa.

21“Ningin ka ta bota rumbu di fazenda nobu na kamisa beju. Si i fasi asin, ki fazenda nobu ta mas rumpi beju; kamisa ta mas dana.

22Ningin ka ta pui biñu nobu na saku di kuru beju. Si i pui, ora ku biñu fermenta i ta rumpi kuru; biñu ta darma; saku ta dana. Biñu nobu i dibi di pudu son na saku di kuru nobu.”

Lei di dia di diskansu(Mat 12.1-8; Luk 6.1-5)

23Utru dia di diskansu Jesus na pasa na bulaña. Oca ke na yanda, si disipulus kumsa na rinkaLei 23.25 garan di arus.

24Fariseus puntal: “Jubi, ke ku manda e na fasi kusa ku lei fala kuma no ka dibi di fasi na dia di diskansu?”

25Jesus punta elis: “Nta bo ka ciga di lei aserka di kusa ku Davi1 Sam 21.6 fasi, ocal ku fomi, ku kilis ku staba ku el; e ka teneba nada di kume?

26I yentra na kasa di Deus, na tempu ku Abiatar seduba ŝef di saserdotis. I kume ponSai 29.32-33; Sir 24.5,9 sagradu, i da si kumpañeris tambi. Konformi lei, son saserdotis ku pudiba kume ki pon.”

27Jesus torna fala elis: “Deus fasi dia di diskansu pa ben di omi; i ka kumpu omi pabia di dia di diskansu.

28Asin Fiju di omi ta manda, te riba di dia di diskansu.”

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help