Ripitison di Lei 17 - Portuguese Creole Bible, Guinea-Bissau

Kastigu di idulatria

1Ka bu sakrifika pa SIÑOR bu Deus un turu o karnel ku tene difeituSir 1.3 o kualker kusa ku ka sta bon, pabia es i ta sedu un kusa nujenti pa SIÑOR bu Deus.

2Si i ojadu na bo metadi, na kualker di prasas ku SIÑOR bu Deus na dau, un omi o minjer ku fasi mal na uju di SIÑOR bu Deus, i kebraKap 31.20; Sir 26.15,25; Jos 7.11,15; 23.16; Ŝef 2.20; 2 Re 18.12; Os 6.7; 8.1 si kontratu,

3i bai sirbi utru deusis, i mpina pa elis, o pa sol, lua o strelasKap 4.19 di seu, un kusa ku sta kontra ña ordi,

4si i ciga na bu kuñisimentu, bu ta punta-puntaKap 13.14 del. Si bu oja proba kuma i bardadi ku ki kusa nujenti fasidu na Israel,

5bu ta leba ki omi o minjer ku fasi ki kusa mau pa porton di prasa, bu dal ku pedraSir 24.14-16 tok i muri.

6Ma omi pudi matadu son pa tustumuñu di dus o trisNum 35.30 jinti; i ka pudi matadu son pabia di tustumuñu di un algin.

7Ki tustumuñas ku na sedu purmeru jintiKap 13.9 pa ferca pedra kontra el; dipus tudu jinti e ta junta ku elis pa matal. Asin bu na tira ki malŜef 20.13 na bo metadi.

Julgamentu di kasus kansadu

8Si un kasu tisidu pa bo na porton di bu prasa ku sedu kansaduSai 18.26; 2 Kron 19.8-10 dimas pa bu julga, suma ora ku algin matadu, o dus jinti na keŝa ŋutru, o jinti molosta ŋutru, bu ta lanta bu bai pa kau ku SIÑOR bu Deus na kuji,

9nunde saserdotisKap 19.16-19; 1 Kron 23.4; Ez 44.24; Mal 2.7 levita, tambi nunde juis ku na julga na ki tempu; bu na pursenta kasu; elis e ta kontau kil ke disidi.

10Dipus bu ten ku fasi konformi ki disison ke dau na kau ku SIÑOR na kuji; toma sintidu pa bu fasi tudu na manera ke nsinau.

11Bu ten ku fasi konformi ki lei ke nsinau, tambi konformi ki disison ke kontau. Ka bu disvia, nin pa direita, nin pa skerda, di kil ke falau.

12Kualker omi ku yalsa si ombra, i ka seta obi juis, nin saserdoti ku sta la pa sirbi SIÑOR bu Deus, ki omi ten ku matadu. Asin bu ta tira ki mal di Israel,

13pa tudu pobu obi, e sinti medu; nunka masKap 13.11 ningin ka na yalsa ombra.

Deveris di rei

14Ora ku bu yentra na tera ku SIÑOR bu Deus na dau, bu tomal, bu mora nel, bu pudi bin disidi kuma bu misti un rei riba di bo1 Sam 8.5-7,19-20; 12.19 suma tudu utru nasons na roda di bo.

15Jubi diritu, ora ku bu na pui rei riba di bo, pa i sedu kil ku SIÑOR bu Deus kuji.1 Sam 9.15-17; 10.24; 16.12-13; Jer 30.21 I ten ku sedu un algin di bu ermons; bu ka pudi pui un stranjeru ku ka sedu bu ermon israelita pa i sta riba di bo.

16Rei ka dibi di buska manga di kabalu1 Sam 8.11; 1 Re 1.5; 10.26-28; Is 31.1-3 pa si kabesa, nin i ka dibi di manda jinti pa Ejitu pa buska manga di kabalu, pabia SIÑOR fala bos: “Nunka mas ka bo ribaKap 28.68; Jer 42.15-16; Os 11.5 na ki kamiñu.”

17Tambi rei ka dibi di kasa manga di minjer, pa si korson ka disvia;1 Re 11.1-4 nin i ka dibi di junta manga di prata ku uru1 Re 10.21 pa si kabesa.

18Ora ki sinta na si tronu di renansa, i ta skirbi na un libru pa si kabesa un kopia de leiKap 5.22; 31.9,25-26; 2 Re 11.12 ku sta na mon di saserdotis levita.

19Asin i na tenel, pa ba ta leil tudu diasJos 1.8; Sal 1.2; 119.97 di si vida, pa sibi rispita SIÑOR si Deus, pa obdisi tudu palabras de lei ku e regras,

20pa i ka bin oja kuma el i minjor algin mas di ki si ermons, tambi pa ka i disvia de mandamentu, nin pa direita nin pa skerda.Kap 5.32; 28.14; 1 Re 15.5; 2 Kron 34.2; Sal 132.12 Asin el ku si jorson e na rena na Israel pa manga di tempu.