1SIÑOR fala Moisés: “Gosi bu na jubi ke ku N na bin fasi ku Faraó; pabia di ña mon forti i na disa elis bai; sin, pabia di ña mon forti i na tira bos
4Tambi N fasi kontratuKum 17.7-8; Sal 105.8-11 ku elis kuma N na da elis tera di Kanaan, nunde ke na moraba nel suma ospris.
5Gosi N obi fijus di Israel na jimi, manera ke sta na katiberasku na mon di ejipsius. N lembraSal 106.44-45; Luk 1.54,72 di ña kontratu.
6“Asin, konta fijus di Israel kuma ami N sedu SIÑOR. N na bin tira bos bas di kastigu di ejipsius. N na libra bosLei 7.8; 15.15; 1 Kron 17.21 di sedu se katibus; N na kaplinti bos ku ña mon forti, ku garandi kastigus.
7N na bin toma bosLei 4.20; 7.6; 14.2; 29.13; 2 Sam 7.23-24; Os 1.10; Apok 21.7 pa bo sedu ña pobu, N na sedu bo Deus. Bo na sibi kuma ami i SIÑOR bo Deus ku na kaplinti bos di ki tarbaju duru na mon di ejipsius.
8N na bin leba bos pa tera ku N yalsa mon pa jurmenta kuma N na da Abraon, Isak ku Jakó. N na da bos el pa yardansa. Ami i SIÑOR.”
9Moisés konta fijus di Israel ki palabras, ma e nega obil, manera ke fika disanimadu pabia di katiberasku duru.
10SIÑOR papia ku Moisés, i falal:
11“Bai pa Faraó, rei di Ejitu, bu falal pa i disa fijus di Israel pa e sai na si tera.”
12Moisés fala SIÑOR: “Si pobu di Israel ka na obin, kuma ku Faraó pudi obin, suma ku N ka ten jituKap 6.30; 4.10 na papia?”
13SIÑOR papia ku Moisés ku Aron, i fala elis: “Bo fala fijus di Israel ku rei di Ejitu kuma N manda bos pa bo tira fijus di Israel na tera di Ejitu.”
Jorson di Ruben, Simeon ku Levi14Esis i kabesas di familias di se papes:
Fijus di Ruben, purmeru fiju di Israel, e sedu: Enok, Palú, Ezron ku Karmi. Esis i familias di Ruben.
15Fijus di Simeon: Jemuel, Jamin, Oad, Jakin, Zoar ku Saul, fiju di un minjer di Kanaan. Esis i familias di Simeon.
16Esis i nomis di fijus di Levi, konformi se jorsons: Jerson, Koat ku Merari. Levi vivi 137 anu.
17Fijus di Jerson, konformi se familias, e sedu Libni ku Simei.
18Fijus di Koat: Anran, Izar, Ebron ku Uziel. Koat vivi 133 anu.
19Fijus di Merari: Mali ku Musi. Esis e sedu familias di Levi konformi se jorsons.
20Anran kasa ku un minjer comadu Jokebed, ku sedu si tia. I bin padi ku el Aron ku Moisés. Anran vivi 137 anu.
21Fijus di Izar: Koré, Nefeg ku Zikri.
22Fijus di Uziel: Misael, Elzafan ku Sitri.
23Aron kasa ku un minjer ku comadu Eliseba, fiju di Aminadab, irma di Naason. I padi ku el Nadab, Abiu, Eleazar ku Itamar.
24Fijus di Koré: Asir, Elkana ku Abiasaf. Esis e sedu familias di koraitas.
25Eleazar,Jos 24.33 fiju di Aron, i kasa ku un minjer ku sedu un di fijus di Putiel. I padi ku el Fineias. Esis e sedu kabesas di familias di levitas, konformi se jorsons.
26Esis e sedu Aron ku Moisés ku SIÑOR papia ku el, i fala: “Bo tira fijus di Israel na tera di Ejitu, konformi se jorsons.”
27I elis, i ki mesmu Moisés ku Aron, ku papia ku Faraó, rei di Ejitu, pa i tira fijus di Israel na Ejitu.
Deus anima Moisés pa i papia utru bias ku Faraó28Oca SIÑOR papia ku Moisés na tera di Ejitu,
29i falal: “Ami N sedu SIÑOR. Konta Faraó, rei di Ejitu, tudu ku N falau.”
30Moisés fala SIÑOR: “Ami N ka ten jitu na papia; kuma ku Faraó na obin?”
Who We AreWhat We EelieveWhat We Do
2025 by iamachristian.org,Inc All rights reserved.
