Salmus 98 - Portuguese Creole Bible, Guinea-Bissau

1Bo kanta un kantiga nobu pa SIÑOR,

pabia i fasi maravilyas;

Si mon direita ku si brasu santu

ngañal vitoria.

2SIÑOR pui si salbason

e oja salbason di no Deus.

4Bo yalsa fála ku kontentamentu pa SIÑOR,

abos tudu ku mora na mundu;

bo grita ku alegria, bo kontenti,

bo kanta pa ngabal.

5Bo kanta pa ngaba SIÑOR, ku arpa;

bo toka arpa, bo kanta salmus.

6Bo toka trombetasNum 10.10 ku kornetas,

bo yalsa fála ku kontentamentu dianti di SIÑOR, bo Rei.

7Mar pa i somna, ku tudu ku sta nel;

mundu tambi, ku tudu ku mora nel.

8Rius pa e toka palmu!

MontañasIs 55.12 pa e kanta juntu ku alegria

9dianti di SIÑOR,

pabia i na bin pa julga mundu;

i na julga mundu ku justisa;

i na julga nasons ku si bardadi.