1Ña fiju, para sintiduKap 4.20 na ña jiresa, ku ña palabras di ntindimentu,
2pa bu rakada ña avisu, pa bu boka mostra kuñisimentu.
3Boka di minjerKap 2.16 di utru omi i pudi sabi suma mel; si palabra i mas sabi di ki azeiti,
4ma na kabantada i malgos suma fel, i ta fidi suma fakaSal 55.21 ku moladu na dus ladu.
5Si pes ta ria pa mortu; si pasus ta bai diritu pa kau di mortus.
6I ka ta pensaKap 4.26; 11.19 na kamiñu di vida; i ta yanda-yanda di un ladu pa utru sin sibi ke ki na fasi.
7Gosi, ña fijus, bo sukutan; ka bo disvia di kusas ku N konta bos.
8LunjusiKap 4.15 di ki minjer; ka bu ciga pertu di porta di si kasa,
9pa ka bu bin pirdi bu rispitu dianti di jinti, bu muri sedu na mon di jinti kruel.
10Jinti strañu e ta bin farta di bu rikesa. Tudu kusa ku bu tarbaja pa el i ta bin bai pa kasa di utru.
11Bu na jimi na kabantada di bu vida ora ku kurpu kaba ku bo.
12Bu na fala: “Jubi manera ku N kuriẑidu, ma NKap 1.7; 10.17 nega! N raprindidu, ma N njutil na ña korson!
13N nega obi ña pursoris, nin N ka para sintidu na se palabras.
14N bin nota kuma N na kaiba ja na borgoña na metadi di tudu juntamentu.”
15Bibi yagu di bu propi fonti.
16Nta bu dibi di disa yagu di bu fonti kuri suma korenti na rua?
17Ki yagu dibi di sedu son pa bo; i ka dibi di rapatidu ku utru jinti di fora.
18Bu fonti, ku sedu bu minjer ku bu kasaEkl 9.9; Mal 2.14-15; Eb 13.4 ocau nobu, pa i sedu bensuadu; kontenti ku el.
19El i suma gazela bonitu, ku tene si forma di yanda bonitu. Bu ta fika kontenti ku si pitu pa sempri, bu sedu atraidu pa si amor tudu dia.
20Ña fiju, ke ku manda bu na disa utru minjerKap 2.16 kaptau? Kuma ku bu na barsa pitu di minjer di utru omi?
21SIÑOR ta ojaJo 31.4 tudu ku omi na fasi, i ta jubi pa tudu si kamiñus.
22Pekadus di omi mau i si armadilia; i ta pañaduKap 1.31; 26.27; 29.6; Est 7.9; Sal 9.15; 57.6 ku kordas di si propi pekadu.
23I na bin muri pa falta di disiplina; i na yanda malKap 10.21; 14.32 pabia di si garandi tulesa.
Who We AreWhat We EelieveWhat We Do
2025 by iamachristian.org,Inc All rights reserved.
