Romanus 7 - Portuguese Creole Bible, Guinea-Bissau

Lison di kasamenti

1Ermons, N na fala ku bos ku kunsi lei. Sertamenti bo ta ntindi kuma lei ta manda na algin nkuantu i na vivi.

2Un minjer kasadu sta ligaduMat 19.6; 1 Kor 7.39 ku si omi pabia di lei nkuantu omi bibu, ma si i muri, minjer sta libri di ki lei di kasamenti.

3Si i bai kiri utru omi ku si maridu bibu inda, i ta faladu kuma i staMat 5.32; Eb 13.4 na adulteriu, ma, si maridu muri, minjer sta libri di ki lei. Si i bai kasa ku utru, i ka suma i sta na adulteriu.

4Asin tambi, ña ermons, bo sta mortuGal 2.19; 5.18 pa lei, manera ku bo sedu kurpu di Kristu, pa bo pudi sedu2 Kor 11.2 di utru, ku sedu kil ku lantandadu na metadi di mortus, pa no pudi da frutuJon 15.5; Gal 5.22; Kol 1.10 pa Deus.

5Oca ku no na yanda suma ku naturesa di no kurpuKap 6.21; 8.13; Gal 5.19-21; Tia 1.15 misti, no vontadi forti pa peka, ku lei lantanda dentru di nos, i na tarbajaba na membrus di no kurpu pa tisinu mortu,

6ma gosi no libradu di lei, pabia no muri pa kil ku peganuba, pa no pudi sirbi na nobu vida diKap 2.29; 2 Kor 3.6; Fil 3.3 Spiritu, te pa no sirbi lei ku sta skritu, suma ku no ta fasiba antigamenti.

Lei ku pekadu

7Ke ku no na fala? Nta lei i pekadu? Nunka! Ma N ka na kunsiba pekadu si i ka leiKap 3.20; 13.9; Sai 20.17 ku mostran el. N ka na kunsiba ke ki diseẑu mau si i ka lei ku falaba: “Ka bu kubisa.”

8Pekadu purbita okasion pabia di mandamentu, i lantanda na mi tudu koldadi diseẑu mau, pabia nunde ku leiKap 4.15 ka ten, pekadu sta mortu.

9Purmeru N na viviba sin lei. Oca ku mandamentu bin, pekadu vivisi, ami N muri.

10Mandamentu ku staba pa daSir 18.5; Ez 20.11,13,21 vida, N oja kuma i tisi2 Kor 3.7 mortu.

11Pekadu purbita di mandamentu; i nganan; i toma mandamentu, i matan ku el.

12Lei iSal 19.8; 119.137; 1 Tim 1.8 puru; mandamentu tambi i puru, i justu, i bon.

13Nta kusa bon torna mortu pa mi? Nunka! Ma pekadu, pa i pudi raparadu kuma i pekadu, i toma kusa bon pa i matan ku el, pa mandamentu pudi mostra kuma ku pekadu i un kusa meduñu dimas.

14No sibi kuma lei i spiritual, ma ami i karnal, bindidu suma katibu pa pekadu.

15N ka ta ntindi ke ku N na fasi, pabia kil ku N misti, N ka ta fasil, ma kil ku N kaGal 5.17 misti, el ku N ta fasi.

16Si N fasi kil ku N ka misti, N seta kuma lei i bon.

17Asin i ka ami ku na fasil, ma i pekadu ku sta dentru di mi ku na pun pa N fasil.

18N sibi kuma nin un kusa bon ka staKum 6.5; 8.21 na mi, na ña propi naturesa. Na bardadi N misti fasi ben, ma N ka pudi fasil.

19Ben ku N misti, N ka ta fasil; son mal ku N ka ta misti, el ku N ta fasi.

20Agora si N fasi kil ku N ka misti, i ka ami ja ku na fasil, ma pekadu ku sta na mi.

21N rapara e manera ku, nin ku N misti fasi ben, mal sta na mi.

22DentruSal 1.2; Ef 3.16 di mi N gosta di lei di Deus,

23ma N oja na ña kurpu utru koldadi lei ku na geria kontra lei ku N seta; i na leban pa katiberaskuKap 6.13,19; Gal 5.17 di lei di pekadu ku sta na ña kurpu.

24Disgrasadu algin ku N sedu! Kin ku na libran de kurpu ku na leban pa mortu?

25Deus obrigadu1 Kor 15.57 pabia di Jesus Kristu no Siñor!

Asin, ami propi N ta sirbi lei di Deus ku ña ntindimentu, ma N ta sirbi lei di pekadu ku ña naturesa di kurpu.