Apokalipsi 8 - Portuguese Creole Bible, Guinea-Bissau

Setimu selu yabridu

1Oca ku Karnel kebra setimuKap 6.1 selu, kuas me-ora kau kala yem na seu.

2N oja ki seti anju ku firmaba dianti di DeusMat 18.10; Luk 1.19 e dadu seti korneta.

3Utru anju bin, i firma dianti di altar; i teneba un tiẑela di uru ku ta pudu nsensu. I dadu manga di nsensu pa junta ku orasonKap 5.8; Sai 30.1 di tudu pobu di Deus pa pursenta riba di altar di uru ku sta dianti di tronu.

4Fumu di nsensu ku orason di pobu di Deus subiSal 141.2; Luk 1.10 di mon di anju te dianti di Deus.

5Dipus, ki anju toma ki tiẑela, i incil ku fugu di altar, i botal riba di tera. I fasi turmentaKap 16.18; 2 Sam 22.8; 1 Re 19.11 di turbada ku relampagu. Tera bulbuli.

Kornetas di kastigu

6Ki seti anju ku teneba seti korneta purpara pa toka elis.

7Oca ku purmeru anju toka si korneta, cuba di jelu ku fuguEz 38.22 jagasidu ku sangi darmadu riba di tera. Tersa parti di tera kemadu, ku tersa parti di arvuris, ku tudu paja verdi.

8Oca ku sugundu anju toka si korneta, un kusa ku parsi monti garandi ku na yardi ku fugu i botaduKap 16.3; Jer 51.25 na mar. Tersa parti di mar bida sangi;

9tersa parti di limarias di mar muri; tersa parti di barkus danadu.

10Oca ku terseru anju toka si korneta, i kai di seu un garandi strela ku na yardi suma un garandi pacu di fugu. I kai riba di tersa parti di rius ku fontisKap 16.4 di yagu.

11Nomi di ki strela i coma Amargura. Tersa parti di yagu bidaSai 15.23; Jer 8.14 malgos. Manga di jinti muri pabia di ki yagu, suma i bida venenu.

12Oca ku kuartu anju toka si korneta, tersa parti di solIs 13.10 fididu, ku tersa parti di lua, ku tersa parti di strelas, pa tersa parti delis bida sukuru, tersa parti di lus di dia pa ka i klaru, tambi di noti pa ka i numia.

13N jubi, N obi un agia ku na bua riba, i na falaba ku garandi vos: “Ai, ai, ai di kilis ku mora na mundu ora ki obidu son di utru kornetas ku ki tris anju na bin toka!”