Daniel 9 - Portuguese Creole Bible, Guinea-Bissau

Orason di Daniel

1Dariu, fiju di Asueru, di nason di medus, i pudu suma reiKap 5.31; 6.28; 11.1 riba di renu di Babilonia.

2Na purmeru anu di si renansa, ami Daniel, N lei Skrituras, N bin ntindi kuma SIÑOR falaba anunsiadur Jeremias kuma Jerusalen ten ku fika danadu pa setentaJer 25.11 anu.

3N pui ña sintidu na SIÑOR Deus, N buskalNe 1.4; Jer 29.13 na orason, ku rogus, ku junjun; N bisti saku, N sinta na sinsa.

4N papia ku SIÑOR ña Deus, N konfesa, N falal:

“O SIÑOR, Deus garandi, meduñu, bu ta guarda buSai 20.6; Ne 9.32 kontratu, bu mostra amor pa kilis ku amau, e obdisi bu mandamentus;

5no peka, no fasi1 Re 8.47-48; Ne 1.6-7; 9.33-34; Sal 106.6; Is 64.6-7; Jer 14.7 mal; no ka pensa na bo, no seduba disobdienti, no vira kosta pa bu mandamentus ku leis.

6No nega obi2 Kron 36.15-16 bu servus, ki anunsiaduris ku ta papiaba na bu nomi ku no reis, no ŝefis, no papes, suma tambi ku tudu pobu di no tera.

7“O SIÑOR, abo iEsd 9.15; Ne 9.33 justu, ma anos no sta na borgoña aos, anos jinti di Judá, ku moraduris di Jerusalen, ku tudu Israel, kilis ku sta pertu ku kilis ku sta lunju, na tudu teras ku bu pajiga elis pabia di mal ke fasi kontra bo.

8O SIÑOR! Anos ku no reis, no ŝefis ku no papes, no sta na borgoña pabia no peka kontra bo.

9SIÑOR no Deus ta mostraNe 9.17 miserikordia, i ta purda, mesmu ku no peka kontra el.

10No ka obdisi ordi di SIÑOR no Deus, nin no ka yanda na si leis ki danu na boka di si servus anunsiaduris.

11Sin, tudu IsraelIs 1.4-6; Jer 8.5-10 kebra bu lei, e disvia, e nega obdisi bu ordi.

“Pabia di kila, maldison ku sta skrituLei 28.15-48; 29.20; 30.17-18; 31.17-18 ku juramentu na lei di Moisés, servu di Deus, i darmadu riba di nos, pabia no peka kontra bo.

12Bu kumpriMis 2.17; Zak 1.6 bu palabra ku bu papia kontra nos, tambi kontra no juisis ku ta julganu, bu tisi garandi mal riba di nos. NunkaMis 1.12; 2.13; Ez 5.9 na kualker parti di mundu i ka kontisi suma ki kontisi na Jerusalen.

13Tudu ki mal bin riba di nos, suma ki sta skritu na lei di Moisés. Mesmu asin, no ka pidi fabur di SIÑOR no Deus; no ka konvertiIs 9.13; Jer 2.30; 5.3 di no pekadus, nin no ka pui sintidu pa yanda na bu bardadi.

14SIÑOR, bu guarda tempu; dipus bu tisi e mal riba di nos, pabia abo, SIÑOR no Deus, bu sedu justu na tudu kusa ku bu fasi, ma no ka obdisi bu ordi.

15“O SIÑOR no Deus, ku tira bu pobu di tera di EjituSai 12.41-42; Sir 22.33; Ne 1.10; 9.10; Jer 32.20-21 ku mon forti, ku ngaña nomi ku bu tene te aos, na bardadi no peka, no fasi mal.

16O SIÑOR, konformi tudu bon kusas ku bu fasi, tira bu raiba na prasa di Jerusalen, na bu monti sagradu. Tudu jinti ku sta na roda di nos e ta fasi trosa di Jerusalen ku di bu pobu, pabia di no pekadu ku mal ku no papes fasi.

17“O SIÑOR no Deus, obi orason ku pididu di bu servu, pa amor di bu nomi. Jubi ku fabur pa bu kau sagradu ku danadu.

18O Deus! MpinaIs 37.17 bu oreja, bu obi; yabri bu uju, bu jubi prasa ku ta comadu pa bu nomi, manera ki danadu. No ka na pui no pididus dianti di bo ku fiansa kuma anos i justu, ma no fiansa na bu garandi miserikordia.

19O SIÑOR, obinu! O SIÑOR, purdanu! O SIÑOR, obinu, bu fasi kualker kusa. O ña Deus, ka bu tarda, pa amor di bu nomi, pabia bu prasa ku bu pobu e ta comadu pa bu nomi.”

Gabriel splika anunsiu

20Oca ku N na papiabaIs 65.24 inda, N na ora, N na konfesa ña pekadu ku pekadu di ña pobu Israel, N na pui ña pididu dianti di SIÑOR ña Deus aserka di si monti sagradu,

21oca ku N na ora inda, ki omi GabrielKap 8.16 ku N ojaba ja na utru vison, i na buaba kinti-kinti pa bin, i tokan na ora di sakrifisiu di di tardi.

22El i splikan, i falan: “Daniel, N bin pa splikau sintidu.

23Oca ku bu kumsaKap 10.11-12,19 bu pididus, rasposta i dadu. N bin pa kontau el, pabia Deus amau ciu. Asin, pui sintidu na palabra, pa bu pudi ntindi ki vison.

24“Kuatrusentus i noventa anu markadu pa bu pobu ku bu prasa sagradu, pa kaba ku kebra lei, pa para pekadus, pa ranja purdonIs 53.10-11 di mal, pa yentranda justisaJer 23.5-6 ku ka na kaba, pa kumpri vison ku anunsius, tambi pa torna dedika kau mas sagradu.

25“Obi, bu ntindi. Disna ku ordi saiEsd 1.3 pa torna kumpu Jerusalen te na tempu ku ki algin ciga ku Deus kuji pa i seduIs 55.4 rei, i na ten korenta i novi anu. Prasa na kumpudu ku stradas ku baletas; i na tarda pa kuatrusentus i trinta i kuatru anu, ma na un tempu di kansera.

26Ora ku ki kuatrusentus i trinta i kuatru anu kaba, kil ku Deus kujiIs 53.8 na matadu; i ka na tene nada. Pobu di un ŝef ku na bin e na kaba ku prasaLuk 19.44 ku kau sagradu. Si kabantada na sedu suma yagu di diluviu. GeraMat 24.6 na ten te na fin. Garandi danu markadu.

27Ki ŝef na fasi kontratu firmi ku manga di jinti pa seti anu. Na metadi di ki anus i na kaba ku sakrifisius ku ofertas di kumida. Ki ŝef danadur na pui un kusa nujenti iKap 11.31; 12.11; Mat 24.15 meduñu na kau sagradu; ki kusa nujenti na fika la te fin markadu pa ki algin ku pul la bin ciga pa el.”