1“Pabia de kusas ña korson ta tirmi,
i salta na si lugar.
2Bo para atenson, bo sukuta forsa di si vos,
ki baruju di turbada ku ta sai na si boka.
3I ta manda raiu pa tudu parti di seu;
si lus ta baiMat 24.27 te na kau mas lunju di mundu.
4Dipus i ta somna ku garandi vos di turbada;
ora ki obidu, i ka ta tarda, i ta manda mas raiu.
5Ku si vos Deus ta fasi kusas ku ta dimira jinti;
i ta fasi garandi kusas ku no ka pudi ntindi.
6I ta fala neviSal 147.16-18; 148.8 pa i kai na con,
i ta fala cuba pa i kai ku forsa.
7Asin i ta para mon di tudu omis
pa e pudi rapara tarbaju ku el i ta fasi.
8Limarias ta yentra na se kau di sukundi;
e ta fika la na se kobas.
9Turbada di bentu ta sai na si kuartu na sul;
bentu di norti ta tisi friu.
10Deus ta supra i fasiKap 38.29-30; Sal 147.16-18 jelu;
laguas ta bida jelu risu.
11I ta karga ki garandi nuvens ku umidadi;
i ta spaja si raiu nelis.
12Asin, konformi ordi di Deus,
ki nuvens ta pajiga na roda,
e ta bai fasi tudu ki manda,
na tudu parti di mundu.
13Deus ta manda nuven pa disiplina jinti,
o pa regua con, pa mostra si bondadi.
14“Jo, mpina bu oreja, bu obi e kusas;
bu pensa na milagris di Deus.
15Nta bu sibi kuma ku Deus ta fasi tarbaju,
manera ki ta pui relampagu pa i lampra na si nuvens?
16Bu ntindi kuma ku ki nuvensKap 26.8 garandi ta pindra la riba?
Es i milagri di kil ki pirfitu naSal 104.24; 147.5; Dit 3.19-20 kuñisimentu.
17O bu sibi kuma ku bu ropa ta pui pa bu kalura
ora ku bentu di sul tisi kalur riba di con?
18O bu judal distindiKap 9.8; Sal 104.2; Dit 8.27; Is 40.22; 44.24; 51.13; Jer 10.12 seu,
ku sedu risu suma spiju di metal fundidu?
19“Jo, nsinanu ke ku no na fala Deus!
No sta na sukuru;
no ka pudi purpara no kasu.
20Algin na konta Deus kuma i misti papia?
Pa fasi asin, i suma i na pidi pa i ngulidu!
21Omi ka pudi oja pa sol ku na lampra na seu,
manera ku bentu pasa, i fika seu limpu.
22Di norti sol ta ojadu, ku lus bonitu, kor di uru;
Deus ta bin suma rei meduñu.
23Deus ku ten tudu puder,
no ka pudiKap 11.7; 36.26 yangasal.
El i garandi na puder;
i ka ta kalka ningin na si justisa;
i ta fasi tudu diritu.
24Pabia di kila, jinti ta rispital.
El i ka ta jubi pa kilis ku pensa kumaMat 11.25-26; 1 Kor 3.19 e sedu jiru.”
Who We AreWhat We EelieveWhat We Do
2025 by iamachristian.org,Inc All rights reserved.
