1“Kumpu tendaKap 40.17-19; 2 Sam 7.2,6-7; 1 Kron 21.29; Eb 8.1-2; 9.1-9,21-24; Apok 21.3 di des kurtina di liñu finu tursidu, ku lan azul, purpura ku burmeju, tudu kumpudu ku kirubins bordadu nel pa un omi ku sibi ki tarbaju.
2Tudu kurtinas na tene mesmu midida; kada un na tene 12,3 metru di kumprimentu ku 1,75 metru di largura.
3Sinku kurtina na juntadu kuJon 17.21; Ef 2.21-22; 4.3,6,16; Kol 2.2,19; 1 Ped 2.4-5 ŋutru; ki utru sinku tambi e na juntadu ku ŋutru.
4Fasi pasaderas azul na ponta di kurtina di kabantada di ki sinku juntadu; na mesmu manera bu na fasi na ponta di ki utru sinku juntadu.
5Bu na fasi sinkuenta pasadera na un kurtina, tambi sinkuenta na utru kurtina, filadu ku ŋutru.
6Fasi sinkuenta ansol di uru pa mposta kurtinas na ŋutru, pa tenda pudi sedu un son.
7“Kumpu tambi onzi kurtina di kabelu di kabra pa kubri ki utru kurtinas di tenda.
8Tudu ki onzi kurtina e na tene mesmu midida, ku sedu 13,2 metru di kumprimentu ku 1,75 metru di largura.
9Junta sinku kurtina na ŋutru; mesmu tambi ku ki seis kurtina. Ki sestu, bu na dobral na parti di frenti di tenda.
10Fasi sinkuenta pasadera na ponta di kurtina di kabantada di ki sinku juntadu, ku mas sinkuenta na ponta di kurtina di kabantada di ki seis ku juntadu.
11Fasi tambi sinkuenta ansol di kobri pa mposta elis na pasaderas pa junta kubertura, pa i pudi sedu un son.
12Metadi di kil ku sobra na pindradu na parti di tras di tenda.
13Di ki un metru ku sobra di kumprimentu di kurtinas, metadi ta kai riba di un ladu di tenda, utru metadi ta kai na utru ladu, pa kubril.
14Kumpu tambi un kubertura di kurus di karnel macu, tinjidu burmeju, ku utru kubertura di kuru di baka di yagu ku na bai riba di tudu.
Taguas di tenda(Sai 36.21-34)15“Fasi tambi firkijasNum 4.31-32 di madera di akasia.
16Kada firkija na tene 4,4 metru di kumprimentu ku 66 sentimetru di largura.
17Kada firkija di tenda na tene dus po na ladu ku ta ligal ku si kumpañer.
18Kumpu vinti firkija pa ladu di sul di tenda.
19Kumpu tambi korenta pe di prata pa pui bas di ki vinti firkija; dus pe na pudu bas di un firkija, ku si dus po na ladu.
20Na ladu di norti di tenda bu na kumpu tambi vinti firkija,
21ku se korenta pe di prata, dus pe bas di kada firkija.
22Kumpu seis firkija na ladu di kaida di sol,
23ku mas dus pa kantus di tras, un na kada ladu.
24Ki dus firkija di kantu na kumpudu na mesmu manera; di bas pa riba e na juntadu na un anilia.
25Asin i na ten oitu firkija ku se disaseis pe di prata, dus pe bas di kada firkija.
26“Kumpu sinku travesaNum 3.36; 4.31 di madera di akasia pa firkijas di un ladu di tenda,
27ku sinku pa firkijas di utru ladu, suma tambi sinku pa firkijas na ladu di tras di tenda, pa kaida di sol.
28Travesa di metadi na pasa na metadi di firkijas di un ponta di tenda pa utru.
29Kubri firkijas ku uru, bu kumpu tambi anilias di uru ku travesas na bin pasa nelis. Bu kubri tambi ki travesas ku uru.
30Lantanda tenda konformi plantaKap 25.40; 40.2,17-18; Jos 18.1; Eb 8.5 ku bu mostradu na monti.
Kurtina di kau mas sagradu(Sai 36.35-38)31“Kumpu tambi un kurtinaKap 40.3,21; Sir 16.2-15; 2 Kron 3.14; Mat 27.51; Eb 9.3-8; 10.19-20 di lan azul, purpura ku burmeju ku liñu finu tursidu, bordadu ku kirubins pa un omi ku sibi ki tarbaju.
32Pindral ku ansolis di uru na kuatru firkija di madera di akasia kubridu ku uru, firmadu na kuatru pe di prata.
33Ki kurtina pindradu ku ki ansolis na rapati kau sagradu ku kau mas sagradu. Dipus bu ta pui arka di kontratu dentru di ki kurtina.
34Pui kubertura di miserikordia riba di arka di kontratu na kau mas sagradu.
35Pui mesa fora di kurtina na ladu di norti di tenda, bu pui kanderu na frenti di mesa na ladu di sul.
36“Na entrada di tenda bu na pui un kurtinaKap 40.28; Num 3.25 di lan azul, purpura ku burmeju, ku liñu finu tursidu, bordadu pa algin ku sibi ki tarbaju.
37Pa e kurtina bu na kumpu anilias di uru ku sinku firkija di madera di akasia kubridu ku uru, ku se pes di kobri.
Who We AreWhat We EelieveWhat We Do
2025 by iamachristian.org,Inc All rights reserved.
