Sirmonias 21 - Portuguese Creole Bible, Guinea-Bissau

Leis pa saserdotis

1Dipus, SIÑOR fala Moisés pa i papia ku saserdotis, fijus di Aron, i fala elis: “Saserdoti ka na fasi si kurpu impuru pabia di mortuKap 10.6-7; Ez 44.25 di kualker di si parentis,

2si i ka sedu parenti tokadu, suma si mame o si pape, si fiju macu o femia, si ermon

3o si irma ku ka kasa inda, ku sta na si kau; i pudi kontamina pabia del.

4I ka na fasi si kurpu impuru pabia di algin ku sedu si parenti son pa kasamenti.

5“Saserdotis ka na rapa se kabelu nin ladus di se barba, nin e ka na laña se kurpu na cur.Kap 19.27-28

6E ten ku sedu puru dianti di se Deus; e ka na dana siKap 22.2 nomi, pabia e ta pursenta oferta kemadu di SIÑOR, ku sedu oferta di kumidaKap 3.11 di se Deus. E ku manda e na sedu puru.

7“E ka na kasa minjerEz 44.22 di mau vida, nin minjer ku si omi nega, pabia saserdoti ten ku sedu puru pa si Deus.

8Asin bu na trata saserdoti suma algin sagradu,Sai 28.41; 29.44 pabia i ta pursenta oferta di kumida di bu Deus. Bu na tenel suma algin sagradu, pabia ami, SIÑOR ku ta santifika bos, N sedu Deus santu.

9“Si fiju femia di un saserdoti1 Tim 3.4-5; Titu 1.6 bindi si kurpu na mau vida, i na dana nomi di si pape; i ten ku kemadu ku fugu.

10“Ŝef di saserdotis ku, na metadi di si ermons, i darmadu azeiti sagraduKap 10.6-7; Sai 29.7 riba di si kabesa, i konsagradu pa bisti ropa di saserdoti, i ka na disa si kabelu dispintiadu na cur, nin i ka na rumpi si ropa.

11I ka na ciga pertu di difuntu, pa i fika impuru, nin pabia di si pape o si mame.

12I ka pudi sai na kau sagradu di si Deus, pa i ka dana puresa di ki kau, pabia azeiti sagradu di si Deus sta riba del. Ami i SIÑOR.

13“Minjer ki na kasa ten ku sedu bajuda inda.

14I ka na kasa viuva, nin minjer ku si omi nega, nin minjer disonradu, nin di mau fama, ma son bajuda di si propi jorson,

15pa i ka dana santidadiKap 21.8; Kum 18.19; Esd 2.62; 9.2; Ne 13.23-29; Rom 11.16 di si fijus na metadi di si pobu, pabia ami N sedu SIÑOR ku ta fasil sagradu.”

16SIÑOR fala Moisés

17pa i papia ku Aron, i falal: “Di li pa dianti, nin un di bu jorson ku tene difeituKap 21.21; 1 Tim 3.2; Eb 7.26 na kurpu i ka na ciga pa pursenta oferta di kumida di si Deus.

18Nin un omi ku tene difeitu i ka na ciga pertu, suma omi segu, o manku, o ku tene naris diformadu, o ku tene mon o peKap 22.22-23 kumpridu dimas,

19o omi ku kebra pe o mon,

20o karakunda, o omi kurtu dimas, o kil ku tene difeitu na uju, o sarna, o mpincu, o kin ku kapadu.

21Nin un omi di jorson di saserdoti Aron ku ojadu kualker difeitu nel ka na ciga pa pursenta ofertas kemadu di SIÑOR. I tene difeitu nel; asin i ka na ciga pertu pa pursenta oferta di kumida di si Deus.

22I pudi kume kumida di si Deus, di oferta sagradu,Kap 22.10; Sai 29.27 o di oferta mas sagradu,

23ma, pabia di si difeitu, i ka pudi ciga pertu di kurtina, nin di altar, pa i ka dana puresa di ña kau sagradu. Ami i SIÑOR ku ta fasi elis sagradu.”

24Moisés fala e kusas pa Aron ku si fijus, ku tudu pobu di Israel.