1Oca Davi pasa ki kau mas altu di monti, i ciga un bokadu mas dianti, i oja Ziba,Kap 9.2,9-12 ŝef di servus di Mefiboset, i na bin pa dal kontrada, ku burus kargadu ku duzentus pon, sen kacu di uva seku, sen bulu di figu ku un saku di kuru ku tene biñu.
2Rei punta Ziba: “Es tudu i pa ke?” Ziba falal: “Burus i pa familia di rei monta nelis; pon ku frutas i pa omis kume. Biñu i pa da kilis ku sta kuas pa dismaja na lala.”
3Rei puntal: “Nunde netu di bu mestre?” Ziba fala rei: “I fikaKap 19.26-30 na Jerusalen, pabia i fala kuma aos fijus di Israel na tornal renu di si pape.”
4Rei falaLei 19.15; Dit 18.17 Ziba: “Tudu ku seduba di Mefiboset i di bo gosi.” Ziba falal: “Ñu Rei, ali N mpina bu dianti. N misti oja sempri fabur na bu uju.”
Simei koba Davi mal5Oca rei Davi na ciga na Baurin,Kap 3.16; 17.18 i oja un omi di familia di Saul na sai di la, ku teneba nomi di Simei,Kap 19.16-23; 1 Re 2.8-9,36-46 fiju di Jera. Kila fika i na koba Davi mal,
6i na fercal ku pedra, i na ferca tambi ŝefis di Davi pedra, mesmu ku tudu tropas ku guarda-kostas staba na si direita ku skerda.
7Oca ki na koba Davi, i na fala asin: “Sai! Sai! Omi di sangi! Malvadu!
8SIÑOR na pagau gosi tudu sangi di familia di Saul, kil ku bu na rena na si lugar. SIÑOR ntrega ja bu renansa na mon di bu fiju Absalon; gosi bu sta na disgrasa, pabia abo i omi di sangi.”
9Abisai,1 Sam 26.6-8 fiju di Zeruia, punta rei: “Pabia di ke ku e kacur1 Sam 17.43 mortu na koba Ñu Rei? Disan N bai la pa tiral kabesa.”
10Rei punta: “Abos, fijus diKap 3.39; 19.21-22 Zeruia, ke ku bo ten la? Bo disal i koban mal. Si i SIÑORMis 3.38-39; Jon 18.11 ku falal pa i koba Davi mal, kin ku pudi punta pabia di ke ki na fasi asin?”
11Davi fala mas Abisai ku tudu si ŝefis: “Ña propi fiju ku sai na ña kurpu na buska matan, ku fadi e fiju di Benjamin! Bo disal pa i koban mal, pabia i SIÑOR ku mandal.
12Talves SIÑOR na oja pa ña kasabi, i na bin paganKum 50.20; Mat 5.11-12; Rom 8.28; 2 Kor 4.17 ku ben pa tudu e mal ku N risibi aos.”
13Asin Davi ku si omis e kontinua se kamiñu. Simei tambi i na yanda filadu ku elis na ladu di monti; i na koba, i na ferca pedra, i na lantanda puera.
14Rei ku tudu jinti ku na baiba ku el e ciga na kau ke na bai, tudu kansadu; e diskansa la.
Konsijus di Aitofel ku di Usai15Absalon ku tudu jinti di Israel ciga na Jerusalen; Aitofel staba ku elis.
16Ki arkita Usai, amiguKap 15.37 di Davi, i ciga nunde Absalon, i falal: “Viva Rei! Viva Rei!”
17Absalon puntal: “Es i amor ku bu ten pa bu amigu? Ke ku manda bu ka bai ku bu amigu?”
18Usai fala Absalon: “Nau, ma N na sedu di kil ku SIÑORKap 5.1-5; 1 Sam 16.13 kuji, tambi di kil ku tudu e jinti kuji, suma tambi tudu omis di Israel; i el ku N na fika ku el.
19Fora di kila, kin ku N dibi di sirbi? Nta N ka dibi di sirbi si fiju? Suma ku N sirbiKap 15.34 bu pape, asin ku N na sirbiu.”
20Absalon rabida i fala Aitofel: “Danu bu konsiju. Ke ku no dibi di fasi?”
21Aitofel fala Absalon: “Dita ku ki kumadrisKap 12.11; 15.16; Sir 18.8; 20.11; 1 Kor 5.1 di bu pape ki disa pa e guarda kasa. Asin tudu Israel na obi kuma bu torna nujenti pa bu pape; kilis ku sta ku bo e na sinti mas forti.”
22Asin e yarma un tenda pa Absalon riba diKap 11.2 palasiu. Absalon dita ku kumadris di si pape na uju di tudu Israel.
23Na ki tempu konsiju ku Aitofel ta da i suma ora ku algin bai konsulta palabra di Deus. Davi tudu ku Absalon e ta daba garandi balur pa konsiju di Aitofel.
Who We AreWhat We EelieveWhat We Do
2025 by iamachristian.org,Inc All rights reserved.
