Salmus 6 - Portuguese Creole Bible, Guinea-Bissau

Salmu di Davi pa ŝef di musika, ku instrumentus di korda, konformi Seminit.

1SIÑOR, ka bu raprindin,

nin ka bu kastiganKap 38.1; Jer 10.24; 46.28 na bu raiba.

2SIÑOR, ten pena di mi, pabia N na sinti fraku.

Kuran,Os 6.1 SIÑOR, pabia ña os na ñemen.

3Dentru di mi N sta turmentadu;

ma abo, SIÑOR, te kalKap 13.1; 35.17; 90.13; 94.3 tempu?

4Riba, SIÑOR, bu libran;

salban pabia di bu bondadi.

5Na mortu, ningin ka ta lembra di bo;

kal algin ku ta ngabau na kobaKap 30.9; 88.10-12; 115.17; Is 38.18 ki nteradu nel?

6N kansa ja ku jimi!

Tudu noti N ta cora,

tok kama na lagua ku ña larmas.

7Ña uju sta frakuKap 31.9 ku tristesa;

i torna beju pabia di tudu ña inimigus.

8Bo lunjusiMat 7.23; 25.41; Luk 13.27 di mi, abos tudu ku ta fasi mal,

pabia SIÑOR obi vos di ña miskiñu.

9SIÑOR obiKap 66.19-20 ña pididu,

i na seta ña orason.

10Tudu ña inimigus pa e fika ku borgoña ku kunfuson,

pa e riba tras, tarpajadu di repenti.