Kantiga di Salomon 5 - Portuguese Creole Bible, Guinea-Bissau

1Ña irma, ña noiva, N bin ja pa ña jardin,

N kuji ña mira ku ña purfumus;

N kume ña bagus di mel,

N bibi ña biñu ku liti.

Kumpañeris

Bo kume, amigus,

bo bibi ciu, amadus.

Noiva

2N na durmiba, ma ña korson na sukutaba.

Ali vos di ña kiridu; i na bati.

Noivu

Yabrin, ña irma, ña kiridu,

ña pumba, ña minjer pirfitu,

pabia ña kabesa moja di serenu,

ña kabelu moja ku umidadi di di noti.

Noiva

3N dispi ña bistidus;

kuma ku N na tornaLuk 11.7 bistil?

N laba ja ña pe;

kuma ku N na torna susal?

4Ña amadu miti mon na raca di porta.

Ña korson bida i na bati ku amor del.

5N lanta pa yabril porta;

ña mon na lagua mira;

mira na pinga na dedu

riba di trinku di porta.

Ña korson tirmi oca ku N obi si fála.

6N yabri pa ña kiridu,

ma i ka staba la; i baiba ja.

N buskalKap 3.1-2 ma N ka ojal;

N comal; i ka kudin.

7GuardasKap 3.3 ojan oca ke na fasi ronda na prasa;

e sutan, e molostan;

ki guardas di mura

e tiran ña manta.

8Minjeris di Jerusalen, N roga bos,

si bo oja ña amadu,

bo ta falal kuma N sta duenti ku amor.

Minjeris

9Abo, minjer mas bonitu na metadi di utrus,

bu amadu i kin? I mas di ki tudu utrus?

Manera ku bu na roganu asin,

i pabia i mas nan tudu utru amadus?

Noiva

10Ña amadu i bonitu, i tene bon kor;

i ta lampra na metadi di des mil.

11Si kabesa i suma ki uru mas puru;

si kabelu ta ondia, i pretu, suma korvu.

12Si ujuKap 4.1 i suma di pumba,

ku labadu na liti,

ku sta pertu di lagua di yagu,

ku sta suma joia mitidu na uru.

13Si kara i suma kanteru

di plantas ku ta cera sabi.

Si bis i suma lirius

ku ta pinga mira.

14Si mons i suma anel di uru

ku mitidu pedras di turkesa nel.

Si bariga i suma marfin branku

ku kubridu ku safiras.

15Si pernas i suma kuluna di mármori,

ku kumpudu riba di pe di uru puru.

I ta parsi suma ki sedrus bonitu di Líbanu.

16Si manera di papia i sabi dimas;

N ta dijal na tudu si manera.

Minjeris di Jerusalen,

i asin ku ña amadu sedu;

i asin ku ña amigu sta.

Kumpañeris