1 Koríntius 11 - Portuguese Creole Bible, Guinea-Bissau

1BoKap 4.16; Ef 5.1; 2 Tes 3.7 remendan, suma ku N ta remenda Kristu.

Aserka di kubri kabesa

2Ami N ngaba bos pabia na tudu bo ta lembra di mi, suma ku bo obdisiKap 4.17; 7.17 nsinamentu ku N pasanta pa bos,

3ma N misti pa bo sibi kuma i Kristu ki kabesaKap 3.23; Kum 3.16; Ef 5.23-24; 1 Ped 3.1 di tudu omi; omi tambi i kabesa di minjer; Deus i kabesa di Kristu.

4Tudu omi ku na ora o i na anunsia rekadu di Deus ku kabesa kubridu, i ta tisi borgoña pa si kabesa.

5Tudu minjer ku na ora o i na anunsia rekadu di Deus sin kubri kabesa, i ta tisi tambi borgoña riba di si kabesa, pabia i ta sta suma i rapa kabesa.

6Asin si minjer ka kubri kabesa ku veu, i minjor i tiskia kabelu. Si pa un minjer tiskia kabelu, o i rapa, i borgoña, i minjor i kubri ku veu.

7Un omi ka dibi di kubri kabesa, pabia el i parsensaKum 1.26-27; 5.1; 9.6 di Deus; i spiju di si gloria; ma minjer i spiju di gloria di omi.

8Omi ka kumpudu di minjer, ma minjer kumpudu di omi.

9Nin omi ka kumpudu pabia di minjer, ma minjer kumpudu pabiaKum 2.18,21-23 di omi.

10E ku manda, pabia di anjus, minjer dibi di kubri kabesa pa mostraKum 24.65 kuma i sta bas di si omi.

11Ma dianti di SiñorGal 3.28 omi pirsisa di minjer, minjer pirsisa di omi tambi,

12pabia, suma ku minjer sai na omi, asin tambi ku omi ta nasi di minjer, ma tudu binRom 11.36 di Deus.

13Bo kudal entri bos propi, si i bon pa minjer ora Deus sin kubri kabesa.

14Naturesa propi i mostranu kuma, si un omi tene kabelu kumpridu, i borgoña pa el,

15ma si i minjer ku tene kabelu kumpridu, i bonitu, pabia i dadu kabelu pa kubril suma veu.

16Si algin misti diskuti e kusa li, N pudi kontal kuma no ka ten e kustumu, nin igreẑas di Deus ka tenel.

Sia di Siñor(Mat 26.26-29; Mar 14.22-25; Luk 22.14-20)

17Ne kusa ku N na bin fala gosi, N ka pudi ngaba bos, pabia bo juntamentu i ka pa ben, ma i pa mal.

18Purmeru kusa, N obi kuma, si bo junta pa adora Deus, bo ta dividiKap 1.10-13 grupus. Na un parti N fia kuma i bardadi.

19(Sertamenti i pirsisMat 18.7; At 20.30; 2 Ped 2.1; 1 Jon 2.19 pa bo ten purfia na bo metadi, pa pudi kunsidu kilis ku sta na bardadi.)

20E ku manda, si bo junta na un lugar, i ka Sia di Siñor ku bo na kume,

21pabia, ora ku bo na kume, kada un ta jumna si kumpañer pa kume di sil; utru ta fika ku fomi, utru ta2 Ped 2.13; Jud 12 cami.

22Nta bo ka tene bo kasas pa kume, pa bibi nel? O bo ta njuti igreẑa di Deus pa pui na borgoña kilis ku ka teneTia 2.6 nada? Ke ku N pudi fala bos? Pa N ngaba bos? Nes li N ka pudi ngaba bos.

23N risibi di Siñor ki nsinamentu ku N pasantaKap 15.3 pa bos, kuma Siñor Jesus, na noti ku Judas falsial, i toma pon,

24i fala Deus obrigadu, i kebral, i fala: “Es i ña kurpu ki pa bos. Bo fasi asin pa ña lembransa.”

25Na mesmu manera, dipus di sia, i toma kopu, i fala: “E kopu i nobu kontratu seladu ku ña sangi. Kada bias ku bo bibi nel, bo fasil pa lembra di mi.”

26Kada bias ku bo kume e pon, bo bibi ne kopu, bo ta konta mortu di Siñor te kiAt 1.11 bin.

27Asin, si algin kume pon di Siñor, o i bibi na si kopu, na mauKap 10.21; Jon 13.27 manera, i na peka kontra kurpu ku sangi di Siñor.

28E ku manda, kada un dibi di jubi si korson2 Kor 13.5; Gal 6.4 purmeru; dipus i ta kume pon, i bibi na kopu,

29pabia si i kume, i bibi, i ka rapara kurpuJon 6.51 di Siñor, i ta kume i bibi pa si propiRom 13.2 kondenason.

30E ku manda manga di bos sta fraku, duenti, tok utrus muri ja.

31Si no ta seta jubi no propiSal 32.5; 1 Jon 1.9 korson, no ka ta ciga di julgadu.

32Ora ku Siñor na julganu, i na disiplinanuJo 5.17; Sal 94.12; Am 3.2; Eb 12.5-11 pa ka no bin julgadu ku kilis di mundu.

33Asin ña ermons, ora ku bo junta pa kume, bo pera ŋutru.

34Si algin tene fomi, pa i kume na si kasa, pa ora ku bo junta, bo ka kai na kondenason. Restu di kusas, ora ku N cigaKap 4.19; Titu 1.5 la, N ta ruma elis.