Daniel 12 - Portuguese Creole Bible, Guinea-Bissau

Tempu di kabantada

1“Na ki tempu Migel,Kap 10.13,21 ki ŝef di anjus ku ta guarda bu pobu, i na lanta. I na ten un tempu di garandi sufrimentu, ku nunkaMat 24.21; Apok 16.18 ka tenba disna ku nasons ten te na ki dias. Na ki tempu bu pobuRom 11.26 na libradu, kada un ku si nomi ojadu skritu na libruSai 32.32 di Deus.

2Manga del ku nteradu na con e na lanta, utrus paMat 25.46; At 24.15 vida ku ka ta kaba, utrus pa borgoña ku disprezu ku ka ta kaba.

3Jirus na lampraMat 13.43 suma lus di seu; kilis ku ta gia manga di jinti pa e yanda diritu e na lampra suma strelas pa tudu sempri.

4Abo, Daniel, guarda e palabras sumaKap 8.26; Apok 10.4 sigridu, bu fica libru bu selal te na kabantada di tempu. Manga di jinti na kuri di un ladu pa utru pa buska buri ntindimentu.”

5Ami, Daniel, N jubi, N oja mas dus jinti lungu di riu,Kap 10.4 un ne banda, utru na ki utru banda.

6Un delis punta ki omi ku bisti ropa di liñuKap 10.5-6 ku staba riba di yagu di riu: “Kantu tempu ki na leba pa e kusas di dimirason kaba?”

7Ki omi ku bisti ropa di liñu, ku staba riba di yagu di riu, i yalsa monLei 32.40 direita ku skerda pa seu. N obi i jurmenta na nomi di kil ku bibu pa sempri, i fala: “I na sedu tris anuKap 7.25 i meiu. Ora ke kaba danaKap 8.24; Luk 21.24 puder di pobu di Deus, tudu e kusas na sta kompletu.”

8N obi ke ki fala, ma N ka ntindi. Asin N puntal: “Siñor, kuma ku e kusas na bin sedu na kabantada?”

9I ruspundi i falan: “Daniel, bai, pabia e palabras staKap 12.4 ficadu, e seladu te na tempu di kabantada.

10Manga di jinti na purifikadu,Kap 11.35; Zak 13.9 e na bida sin manca, e na probadu, ma disobdientis na kontinua sedu disobdienti; nin un delis ka na ntindi, ma jirus na ntindi.

11“Disna di tempu ku sakrifisiu di kada diaKap 8.11; 9.27 tiradu, ki kusa nujenti i meduñu pudu, i na ten 1.290 dia.

12Sortiadu i kil ku ten speransa, i bibu inda tok i kompleta 1.335 dia.

13“Abo, kontinua na bu kamiñu te na mortu. Bu na muri ma, na kabantada di tempu, bu na lantaKap 12.2; Apok 14.13 pa toma bu yardansa.”