1Oca ke na pertu Jerusalen ku Betfajé ku Betânia, lungu di monti di Olivera, Jesus manda dus di si disipulus,
2i fala elis: “Bo bai na tabanka ku sta bo dianti. Ora ku bo yentra la, bo na oja un fiju di buru maradu, ku ningin ka monta nel inda. Bo ta dismancal, bo tisin el.
3Si algin punta bos pa ke ku manda bo na fasi asin, bo ta falal kuma i Siñor ku mistil, ma i na torna ribantal gosi.”
4E bai, e oja burusiñu la fora na rua, maradu na ladu di porton. Oca ke na dismancal,
5utru jinti ku staba la punta elis: “Ke ku bo na fasi, ku bo na dismanca burusiñu?”
6E ruspundi suma ku Jesus mandaba elis; e disa elis pa e lebal.
7E leba burusiñuZak 9.9 pa Jesus; e ditanda se mantas riba del. Jesus monta nel.
8Manga di jinti tambi distindi se manta na kamiñu; utrus na korta ramus na matu, e distindi na con.
9Kilis ku bai dianti ku kilis ku na binba tras del e na gritaba: “Osana! Kil ku bin na nomiSal 118.26 di Siñor i mersi ngabadu.
10Bensuadu i renu ku na bin, renu di no pape Davi. Osana pa Deus naSal 148.1 seu!”
11Jesus ciga na Jerusalen, i yentra na kasa di Deus, i jubi tudu na roda ma, suma ki seduba ja tardi, i sai, i bai pa Betânia ku si dozi disipulu.
Figera ku ka padi(Mat 21.18-19)12Na utru dia, oca ke sai di Betânia, Jesus teneba fomi.
13I oja un figera di lunju ku teneba pajas. I bai jubi si i ta ojaba fruta nel. Oca ki ciga pertu, i ka oja nada, son fojas, pabia i ka seduba tempu di i padi.
14Jesus fala figera: “Nunka mas ningin ka na kume bu fruta.” Si disipulus obi ki palabra.
Jesus na kasa di Deus(Mat 21.12-17; Luk 19.45-48; Jon 2.13-16)15E ciga na Jerusalen; Jesus yentra na kasa di Deus, i kumsa na serka kilis ku na bindi, e na kumpra kusas la. I durba mesas di torkiaduris di diñeru, ku asentus di bindiduris di pumba.
16I ka seta pa ningin karga kusa pa pasa ku el na kasa di Deus.
17I nsina elis, i punta: “Nta Deus ka fala na Skritura kuma si kasa na comadu kasa di orasonIs 56.7; Jer 7.11 pa jinti di tudu rasa? Ma abos bo fasil kau ku ladron ta sukundi nel.”
18Ŝefis di saserdoti ku pursoris di lei, oca ke obi e kusa, e na buskaba maneraMat 21.45-46 di matal. E tenba medu del, pabia tudu jinti ta dimirabaMat 7.28 ku si nsinamentu.
19Oca sol na kai, Jesus ku si disipulus e sai di prasa.
Lison di figera(Mat 21.20-22)20Na utru dia, parmaña sedu, e pasa, e oja ki figera seku te na rais.
21Pedru lembra di ke ku pasaba, i fala Jesus: “Mestre, jubi ki figera ku bu maldisua, i seku.”
22Jesus ruspundi, i fala elis: “Bo ten fe na Deus,
23pabia N na konta bos bardadi kuma, kualker algin ku fala e montiMat 17.20; Luk 17.6 li pa i lanta, i kai na mar, i ka duvida na si korson, ma i fia kuma kil ki fala i na fasidu, asin ki na sedu pa el.
24E ku manda N na fala bos kuma, tudu ku bo pidiMat 7.7; Luk 11.9; Jon 14.13; 15.7; 16.24; Tia 1.5; 5.15-18; 1 Jon 3.22 na orason, bo fia kuma bo risibil ja; bo ta tenel.
25Ora ku bo na ora, si bo tene kualker kusa kontraMat 6.14; Kol 3.13 algin, bo purdal, pa bo Pape ku sta na seu purda bos tambi kusas mau ku bo fasi.”
Batismu di Jon(Mat 21.23-27; Luk 20.1-8)27E bai utru bias pa Jerusalen. Jesus na yandaba na kasa di Deus. Ŝefis di saserdoti, ku pursoris di lei ku garandis, e bai pertu del,
28e puntal: “Kal diritu ku bu ten pa fasi e kusas? Kin ku dau otridadi pa fasil?”
29Jesus ruspundi elis: “N na punta bos un kusa. Si bo dan rasposta, N ta konta bos kal otridadi ku N ten pa fasi e kusas.
30Bo kontan de, Jon ta batisaba ku otridadi di Deus o di omis?”
31E kumsa na diskuti entri elis, e fala: “Si no falal kuma i di Deus, i na puntanu ke ku manda no ka fia na palabra di Jon.
32Pa no fala i di omi?” Ma e tenba medu di jinti, pabia tudu pobu e ojaKap 6.20; Mat 14.5 kuma Jon i seduba anunsiadur na bardadi.
33E ku manda e fala Jesus kuma e ka sibi. Jesus ruspundi, i fala elis: “Nin ami tambi N ka na konta bos ku kal otridadi ku N ta fasi e kusas.”
Who We AreWhat We EelieveWhat We Do
2025 by iamachristian.org,Inc All rights reserved.
