Salmus 82 - Portuguese Creole Bible, Guinea-Bissau

Salmu di Asaf

1Deus na diriẑi na juntamentu di seu,

i na julga na metadi di “deusis”, i punta:

2“Te kal tempu ku bo na julga sin justisa,

bo toma partiLei 1.17 di jinti mau?

Sela

3Bo ten ku difindi pa fraku ku orfan,

bo julga diritu pa koitadi ku kil ku kalkadu,

4bo kaplinti elis na mon di jinti mau.

5“Bo ka sibi nada, nin bo ka ntindi;

bo ta yanda na sukuru.

Tudu alisersus di mundu sosial na balansa.

6“N fala kuma abosJon 10.34 i ‘deusis’,

kuma abos tudu bo sedu fijus di Deus ku sta riba di tudu,

7ma bo na muri suma ku omisEb 9.27 ta muri;

bo na kai suma kualker utru ŝef.”

8O Deus, lanta, bu julga mundu,

pabia tudu nasons i di bo.