Numerus 33 - Portuguese Creole Bible, Guinea-Bissau

Bias di Ejitu pa Moab

1Es i relatoriu di bias ku fijus di Israel fasi, oca Moisés ku Aron tira elisSai 12.51 di Ejitu, konformi se jorsons.

2Konformi ordi di SIÑOR Moisés skirbi nomi di kada kau ke sinta nel na bias.

3Fijus di Israel sai na Ramasés na dia 15 di purmeru mis, ku sedu dia dipus di Paskua. E sai ku koraẑen na uju di tudu ejipsius,

4nkuantu e na nteraba tudu se purmeru fijusSai 12.29-36 ku SIÑOR mataba, oca ki na julga deusis di Ejitu.

5Dipus ku fijus di Israel sai na Ramasés, e sinta na Sukot.

6Di la e bai sinta na Etan, na frontera di lala.

7Di Etan e riba pa Pi-Airot pa lesti di Baal-Zefon, e sinta dianti di Migdol.

8Di Pi-AirotSai 14.9; 15.22-23 e kamba mar pa lala. E yanda pa tris dia na lala di Etan, e sinta na Mara.

9Di la e bai sinta na Elin nunde ki ten dozi fonti di yagu ku setenta palmera.

10E sai na Elin, e bai sinta lungu di Mar Burmeju.

11Di la e bai sinta na lala di Sin.

12Di la e bai sinta na Dofka.

13Dipus e sinta na Alus.

14Di Alus e bai sinta naSai 17.1,8; 19.2 Refidin, nunde ki ka tenba yagu pa pobu bibi.

15-37Di Refidin te na monti di Or, e sinta ne lugaris: Lala di Sinai, Kibrot-Ataavá, Azerot, Ritma, Rimon-Perez, Libna, Risa, Kelata, Sefer, Arada, Makelot, Taat, Tera, Mitka, Asmona, Moserot, Bene-Jaakan, Or-Ajigad, Jotbatá, Abrona, Ezion-Jeber, lala di Zin ku sedu Kades, ku monti di Or na frontera di tera di Edon.

38Konformi ordi di SIÑOR, saserdoti Aron subi na monti di Or, i muriKap 20.24-28; Lei 10.6; 32.50 la, na purmeru dia di kintu mis na anu 40 dipus di saida di fijus di Israel na tera di Ejitu.

39Aron teneba sentu i vinti i tris anu oca ki muri la na monti di Or.

40Ki kananeu, rei di Arad,Kap 21.1-3 ku moraba na sul di Kanaan, i obi kuma Israel na bin.

41-49Di monti di Or te na bulañas di Moab, israelitas sinta ne lugaris: Zalmona, Punon, Obot, montisiñus di Abarin na frontera di Moab, Dibon-Gad, Almon-Diblatain, montis di Abarin dianti di Nebu, ku na bulañas di Moab, lungu di Jordon di Jerikó, na metadi di Bet-Jesimot ku Abel-Sitin.

Deus manda tira fora moraduris di Kanaan

50Na bulaña di moabitas, lungu di riu Jordon filadu ku Jerikó, SIÑOR papia ku Moisés, i falal

51pa i fala fijus di Israel: “Ora ku bo kaba kamba JordonLei 9.1; Jos 3.17 pa tera di Kanaan,

52bo tira fora tudu moraduris di tera, bo dana tudu se imaẑensSai 23.24; 34.12-17; Jos 11.11-12; 23.7-13 labradu, bo kaba tambi ku tudu se idulus di metal, bo pajiga tudu se kaus sagradu.

53Bo toma tera pa bos, bo mora nel, pabia N da bos el pa bo tene.

54Bo na juga sorti pa rapati ki teraKap 26.53-56 konformi bo familias, tambi konformi nomi di pape di kada jorson. Jorson mas garandi na yarda kau garandi; jorson pikininu na yarda kau pikininu. Kau ku sorti di algin kai nel, la ku na sedu di sil.

55“Ma si bo ka tira ki moraduris di tera, kilis ku bo disa pa e fika e na sedu suma puera na bo uju, suma fididas na bo pontada. E na bin kansa bosSai 23.33; Lei 7.16; Jos 23.12-13; Ŝef 2.1-3 na tera nunde ku bo sinta.

56Asin N na fasi bosSir 18.28; Lei 28.63; Jos 23.15 kil ku N na pensa fasi elis.”