1 Samuel 28 - Portuguese Creole Bible, Guinea-Bissau

1Na ki tempu, filisteus junta se tropas pa e geria kontra Israel. Akis fala Davi: “Bu ten ku ntindi kuma abo ku bu omis bo na bai geria juntu ku mi.”

2Davi fala Akis: “I sta bon. Bu na oja ke ku bu servu pudi fasi.” Akis fala Davi: “Nta N na fasiu ña guarda kosta pa sempri.”

Saul bai pa un minjer ku ta konsulta difuntus

3Samuel muriba

8Saul finji, i bisti utru1 Re 14.2-3; 22.30,34 ropa, i bai di noti ku dus omi pa ki minjer, i falal: “N pidiu pa bu konsultan un spiritu, bu coman kil ku N na bin kontau si nomi.”

9Minjer puntal: “Nta bu ka sibi ke ku Saul fasi, manera ki tira jambakusis fora de tera, ku kilis ku ta konsulta difuntus? Pabia di ke ku bu na fasi armadilia pa ña vida pa N pudi matadu?”

10Saul jurmental na nomi di SIÑOR, i falal: “Na nomi di SIÑOR bibu, nada di mal ka na bin riba di bo pabia de kusa.”

11Minjer puntal: “Kin ku bu misti pa N coma?” Saul falal: “Coman Samuel.”

12Oca minjer oja Samuel, i grita risu, i punta Saul: “Pabia di ke ku bu nganan? Abo propi i Saul!”

13Rei falal: “Ka bu ten medu; ke ku bu na oja?” Minjer fala Saul: “N oja un spiritu ku na sai na con.”

14I puntal: “Kuma ki parsi?” I falal: “I un omi beju ku bisti kapaKap 15.27 ku na sai.” Saul sibi logu kuma i Samuel, i mpina i mborka ku rostu na con.

15Samuel punta Saul: “Ke ku manda bu kordan, bu pun pa N sai?” Saul falal: “N foronta dimas pabia filisteus na geria kontra mi; Deus bandonan; gosi i ka ta kudin, nin pa anunsiaduris, nin na suñu. E ku manda N comau pa bu kontan ke ku N dibi di fasi.”

16Samuel puntal: “Pabia di ke ku bu na puntan, suma SIÑOR disau ja, i torna suma bu inimigu?

17Pabia SIÑOR fasiu suma ki falabaKap 13.13-14; 15.27-28 pa ña boka; i rumpi renansa na bu mon, i da bu kumpañer Davi.

18SIÑOR tenba raiba kontra Amalek, i dau ordi pa bu kaba ku elis, ma bu ka obdisiKap 15.9 si ordi. I pabia di kila ku SIÑOR fasiu asin aos.

19Tambi SIÑOR na ntregau, tudu ku Israel, na mon di filisteus. Amaña abo ku bu fijus bo na sta ku mi. SIÑOR na ntrega tropas di Israel na mon di filisteus.”

20Logu Saul kai i distindi na con, i panta ciu pabia di ki palabra di Samuel. Forsa kaba nel, pabia i ka kumeba nada tudu ki dia ku ki di noti.

21Minjer bai pa Saul, i ojal latidu, i falal: “Ami bu servu N obdisi bu palabra, N pui ña vida na pirigu pa fasi kil ku bu pidin.

22Gosi, bu ta obi tambi palabra di bu servu; N na pui un bokadu di kumida bu dianti; bu ta kume, pa bu pudi ten forsa pa pega kamiñu.”

23Saul nega, i falal: “N ka na kume.” Ma si ŝefis junta ku minjer pa ngodal; i seta, i lanta na con, i sinta riba di kama.

24Minjer teneba un bakasiñu gurdu na kasa, i matal kinti-kinti, i toma foriña, i masal, i kumpu pon sin fermentu,

25i pul dianti di Saul ku si ŝefis; e kume. Dipus e lanta e bai na ki di noti propi.