1SIÑOR bin papia ku mi, i falan:
2“Fiju di omi, jubi pa Gog,Kap 39 di tera di Magog,Kum 10.2 ŝef prinsipal di MesekKap 27.13; 32.26 ku Tubal, bu anunsia kontra el,
3bu falal kuma asin ku SIÑOR Deus fala: ‘Gog, ŝef prinsipal di Mesek ku Tubal, ami N sta kontra bo,
4N na pou pa bu vira, N na pui ansolisKap 29.4; 2 Re 19.28 na bu keŝada, N na lebau, abo ku tudu bu tropas, kabalus ku omis di kabalu, tudu yarmadu, un garandi kompañia, ku tajaderas garandi ku pikininu, tudu ku spada na mon.
5Jinti di Persia, Etiopia ku Libia e na sta ku elis, kada kin ku tajadera ku kapasiti.
6Gomer ku tudu si tropas, ku Bet-TogarmaKap 27.14 ku sai di norti ku tudu si tropas, ku sedu manga del, e na sta ku bo.
7“‘Purpara, bu pruntia, abo ku tudu jinti ku junta ku bo. Bu na sedu se ŝef.
8Dipus di manga di dia bu na comadu. Anus mas tardi bu na bin pa tera ku diskansa spada, ku si pobu bin di manga di nason pa montis di Israel ku danaduba. Ki pobu tiradu na metadi di manga di nason, e na moraKap 34.28; Jer 23.6 suguru.
9Abo, ku tudu bu tropas ku manga di jinti ku bo, bo na bin sumaJer 4.13 maron, bo na sedu suma nuven ku na kubri tera.
10“‘Asin ku SIÑOR Deus fala: Na ki dia bu na bin tene pensamentu na bu kabesa; bu na fasi planus mau,
11bu na fala: “N na bai kontra tera ku tene tabankas ku ka tene mura. N na ataka kilis ku sta diskansadu, e mora suguru. Elis tudu e mora na kau sin mura nin trinku nin porton.
12N na furta, N rabata se kusas, N na yalsa mon kontra ki teras ku seduba lalaKap 36.34-35 ma gosi e moradu nel, kontra ki pobu ku tiradu di nasons, ku tene manga di limaria ku rikesa, ku mora na sentru di mundu.”
13Sebá ku Dedan ku nogosiantisKap 27.12,15,20,22-23 di Tarsis ku tudu si lions forti e na puntau: “Abo bu bin pa furta kusas? Bu junta bu jinti pa rabata kil ku bu paña? Bu na leba prata ku uru, bu na toma bakas ku rikesas, bu furta manga di kusa?” ’
14“Fiju di omi, anunsia, bu fala Gog: ‘Asin ku SIÑOR Deus punta: Na ki dia, ora ku ña pobu Israel mora suguru, bu ka na bin sibil?
15Bu na bin di bu kau na ladu di norti, ku manga di nason ku bo, tudu montadu na kabalus — tropas ciu dimas.
16Bu na bai kontra ña pobu Israel suma nuven ku kubri tera. Na kabantada di dias N na tisiu kontra ña tera, pa nasons pudi kunsin ora ku N mostra ña puresa na bo, Gog, dianti di se uju.
17“‘Ami, SIÑOR Deus, N na puntau: Nta i ka abo ku N fala del na tempu antigu, pa boka di ña servus, anunsiaduris di Israel, ku anunsia duranti anus kuma N na tisiu kontra elis?
18Na ki dia, ora ku Gog bin kontra tera di Israel, ña raiba na yardi dimas. Asin ku SIÑOR Deus fala.
19Na ña siumiKap 36.5-6 ku fugu di ña raiba N fala kuma tera di Israel na bulbuli ku forsa.
20PisOs 4.3 na mar, ku kacus ku ta bua, ku limarias di matu ku kilis ku ta rasta na con, ku tudu omis na mundu, e na tirmi ña dianti. Montis na kai, riadas lungu di mar na mui; tudu muras na kai na con.
21Asin ku ami, SIÑOR Deus, N fala: N na coma spada kontra Gog riba di tudu ña montis. Spada di kada un na riba kontraŜef 7.22; 1 Sam 14.20; 2 Kron 20.22-23 si ermon.
22N na kastigal ku duensa, ku matansa, ku cuba forti dimas. N na pui cuba di pedra ku fugu ku nŝofri pa i kai riba del ku si tropas ku si manga di jinti ku sta ku el.
23Asin N na mostra ña garandesa ku ña puresa, N na pui manga di nason pa e kunsin; e na sibi kuma ami i SIÑOR.’
Who We AreWhat We EelieveWhat We Do
2025 by iamachristian.org,Inc All rights reserved.
