1Balaon fala Balak: “Kumpu seti altar li, bu purparan seti turu nobu ku seti karnel macu.”
2Balak fasi suma ku Balaon falal; elis dus e sakrifika un turu ku un karnel riba di kada altar.
3Balaon fala Balak: “Firma li lungu di bu oferta kemadu; ami N na bai jubi si SIÑOR na bin kontra ku mi. Kusa ki mostran, N ta kontau el.” Asin i bai pa un kau altu.
4Oca Deus kontra ku el, Balaon falal: “N ranja seti altar, N sakrifika un turu ku un karnel riba di kada un.”
5SIÑOR pui palabra na boka di Balaon, i falal: “Riba pa Balak, bu kontal e rekadu.”
6Asin i riba pa Balak, i ojal i firma lungu di si oferta kemadu, el ku tudu ŝefis di moabitas.
7Balaon da si anunsiu, i fala:
“Balak, rei di moabitas, i manda tisin
di Aran, di montañas na saida di sol.
I falan: ‘Bin, bu maldisua Jakó pa mi;
bin, bu papia kontra Israel.’
8Kuma ku N pudi maldisua
kil ku Deus ka maldisua?
O kuma ku N pudi papia mal
di kil ku SIÑOR ka papia mal del?
9Di riba di pedras altu N na ojal;
di kau altu N na jubil.
N na oja un pobu
e na mostra se brabesa suma lion
ku ka ta diskansa tok i kume kil ki paña,
i bibi sangi di kilis ki mata.”
25Balak fala Balaon: “Nin si bu ka na maldisua elis, tambi ka bu bensua elis!”
26Balaon ruspundi i puntal: “Nta N ka falau kumaKap 23.12 N ten ku fasi tudu kil ku SIÑOR falan?”
Terseru anunsiu di Balaon27Balak fala Balaon: “Bin no bai pa N lebau pa utru lugar. I pudi sedu ku Deus na disau pa bu maldisuan elis na ki kau.”
28Asin Balak leba Balaon, e subi riba di monti Peor ku ta jubi pa banda di lala.
29Balaon fala Balak: “Kumpun li seti altar, bu purparan seti turu nobu ku seti karnel macu.”
30Balak fasi suma ku Balaon pidil, i sakrifika un turu nobu ku un karnel macu na kada altar.
Who We AreWhat We EelieveWhat We Do
2025 by iamachristian.org,Inc All rights reserved.
