Apokalipsi 14 - Portuguese Creole Bible, Guinea-Bissau

Karnel ku si pobu

1Dipus N oja, la na monti di Sion i staba sikidu Karnel, juntuKap 5.6; 7.3-4 ku 144.000 jinti ku teneba si nomi ku nomi di si Pape skritu na se testa.

2N obi un vos di seu suma barujuKap 19.6; Ez 43.2 di manga di yagu, suma baruju di garandi turbada. N obi musika suma tokaduris ku na tokaKap 5.8-9 se arpas.

3E na kantaba un kantiga nobu dianti di tronu, dianti tambi di ki kuatru kriatura bibu ku ki garandis. Ningin ka pudi sibi ki kantiga, son ki 144.000 jinti na tera ku kumpradu na katiberasku, elis son.

4Esis i kilis ku ka susaKap 3.4; 2 Kor 11.2 se vida ku minjeris, pabia e sedu virẑen. I elis ku ta yanda tras di Karnel pa tudu ladu ki na bai. I sedu kilis ku kumpraduKap 5.9 na metadi di jintif pa e sedu purmeru oferta pa Deus ku Karnel.

5I ka ojadu nin un nganuSal 32.2; Sof 3.13; Ef 5.27; Jud 24 na se boka, pabia e ka ten kulpa.

Tris anju

6N oja utru anju ku na bua la riba. I teneba rekadu di Bon Noba ku ka ta kaba pa konta kilis ku mora na tera, pa tuduDan 4.1; Mat 28.19 nason, rasa, lingua ku pobu.

7I fala ku garandi vos: “Bo medi Deus, bo dalKap 4.11; 11.18; 15.4 gloria, pabia ora ciga pa i julga jinti. Bo adora kil ku fasi seu, tera ku mar, ku fontis di yagu.”

8Sugundu anju bin tras di purmeru i fala: “I kai! Garandi BabiloniaKap 16.19; 17.5; 18.2-3; Is 21.9 kai — ki prasa ku bibinti tudu nasons biñu forti di si mau vida!”

9Terseru anju bin tras di ki utrus, i fala ku garandi vos: “Si algin adora bestaKap 13.14-16 ku si imaẑen, i risibi tambi sinal na si testa o na si mon,

10ki algin tambi ten ku bibi biñuKap 16.19; Is 51.17 di raiba di Deus ku darmadu sin mistura na kopu di si raiba. I ten ku kastigadu ku fuguKap 19.20; 20.10 ku nŝofri dianti di anjus santu di Deus, dianti di Karnel tambi.

11FumansaKap 19.3; Is 34.10 di fugu di se kastigu i na subi pa tudu sempri. Ki jinti ku adora besta ku si imaẑen, kilis ku risibi sinal di si nomi, e ka ten diskansu di dia ku di noti.”

12Pa es i pirsis koraẑen na parti di pobu di Deus, ku obdisi si mandamentu, e fika fiel pa Jesus.

13Dipus N obi un vos di seu ku fala: “Skirbi kuma: ‘Sortiadu kilis ku muri na mon di Siñor desdi gosi.’ ”

Spiritu fala: “Sin, pa e pudi diskansaEb 4.9-10 di se tarbaju kansadu; obras ke fasi ta kumpaña elis.”

Kebur na tera

14N oja, i staba un nuven branku. Riba del i staba sintadu un algin ku parsi omi. I teneba koroa di uru na si kabesa, na si mon un faka ben moladu.

15Utru anju sai na templu, i grita ku garandi vos pa kil ku staba sintadu riba di nuven: “MitiJoe 3.13; Mat 13.39 ŋoroto, bu kebra, pabia tempu di kebur ciga ja. Labur di tera kusidu ja.”

16Kil ku sintaba na nuven i miti ŋoroto na tera, i fasi kebur.

17I sai mas utru anju na templu ku sta na seu; i teneba tambi un faka moladu.

18Dipus, utru anju ku tenba konta di fugu i sai di altar, i grita ku garandi vos pa kil ku tene faka moladu, i falal: “Miti faka, bu korta uva na tera, pabia se kacus kusidu ja.”

19Anju miti faka na tera, i korta kacus di uva di tera. I bota uvas na garandi lagar di raiba di Deus.

20Uvas masaduKap 19.15; Is 63.3 na ki lagar foraEb 13.12 di prasa. Sangi sai di lagar te na altura ku ciga boka di kabalu; i lagua trizentus kilometru.