Ezekiel 24 - Portuguese Creole Bible, Guinea-Bissau

Komparason di kasarola

1Na dia 10 di desimu mis di nonu anu, SIÑOR bin papia ku mi, i falan:

2“Fiju di omi, skirbi data2 Re 25.1; Jer 52.4 di aos, pabia rei di Babilonia na kumsa taja Jerusalen aos.

3Konta e pobu disobdienti un komparason, bu fala elis kuma SIÑOR Deus fala:

Pui yagu na kasarola,

bu finkal na fugu.

4Junta padas di karni nel,

tudu bon padas,

suma pernas ku ombra;

bu incil os ku bu kuji,

5di karnel mas bonitu di koral.

Pui manga di leña bas del,

bu disal pa i firbi diritu;

bu kusña os dentru del.

6“Asin ku SIÑOR Deus fala: Ai di prasaKap 24.9; 22.3; Naun 3.1 di matansa! I sta suma kasarola ku inci ferús, ferús ku ka tiradu nel. Tira karni nel, padas padas, sin juga sorti pa el,

7pabia kulpa di sangi sta dentru del. Ki sangi darmadu riba di pedra sin i ka pudi kubriduSir 17.13; Lei 12.16 ku nada; i ka darmadu riba di con nunde ku reia pudi kubril.

8N disa ki sangi na pedra pa i ka pudi kubridu, pa lantanda raiba ku vingansa.

9“Pabia di kila, SIÑOR Deus fala: Ai di prasaKap 24.6 di matansa! Ami tambi N na purpara un fugu garandi.

10Buri leña ciu, bu sindi fugu, bu tempra karni, bu kusñal, bu kema os.

11Dipus bu ta torna kasarola vaziu na fugu pa i pudi kinti tok i burmeju, pa kusas impuru ku sta nel pudi ribi, pa ki ferús pudi kema.

12Ma tarbaju sedu amonton! Ki si manga di ferús i ka na sai, mesmu ki pudu na fugu.

13“Jerusalen, bu impuresa sedu pekadu seksual. N mistiba purifikau, ma bu ka bin sedu purifikadu. Nunka mas bu ka na sedu puru tementi ña raiba ka kaba riba di bo.

14Ami, SIÑOR, N fala: Tempu ciga; N na toma midida; N ka naKap 5.11 riba tras, N ka na purdau, nin N ka na muda ideia. Bu na julgadu konformi bu kamiñu ku kusas ku bu fasi. Asin ku SIÑOR Deus fala.”

Mortu di minjer di Ezekiel

15SIÑOR bin papia ku mi, i falan:

16“Fiju di omi, N na tira ki algin ku bu mas ama, di repenti, ma kaSir 10.6 bu miskiña, nin ka bu cora, ku fadi pa larmas kuri na bu uju.

17Cora son dentru di bo. Ka bu miskiña pa difuntu. Ka bu diskubri bu kabesa, nin ka bu diskalsa. Ka bu kubri bu rostu nin ka bu kume kumida di cur.”

18N papia ku pobu parmaña. Di tardi ña minjer muri. Mansi di utru dia N fasi konformi SIÑOR mandan.

19Jinti puntan: “Bu ka na kontanuKap 12.9; 37.18 ke ku e kusas signifika ku bu na fasi?”

20N fala elis: “SIÑOR bin pa mi i falan

21pa N konta pobu di Israel kuma asin ku SIÑOR Deus fala: ‘Ali N na kontamina ña kauJer 7.14 sagradu, ku bo sinti orgulyu di si forsa, ku bo gosta di jubi, ku bo sinti amor pa el. Bo fijusKap 23.47 macu ku femia ku bo disa na Jerusalen, e na matadu ku spada.

22Bo na fasi suma ku N fasi; bo ka na kubri rostu nin bo ka na kume kumidaJer 16.6-7 di cur.

23Bo na guarda bo kabesa kubridu, ku sapatus na pe. Bo ka na miskiña pa algin ku muri, nin bo ka na cora. Bo kurpus na kabaKap 33.10; Sir 26.39; Jo 27.15; Sal 78.64 pabia di bo pekadus; bo na jimi entri bos.

24Asin Ezekiel na sedu sinalKap 4.3 pa bos; bo na fasi suma ku el i fasi. Ora ku es binJon 13.19; 14.29 sedu, bo na sibi kuma N sedu SIÑOR Deus.’ ”

25Deus falan: “Fiju di omi, N na tira se kau forti ke ta sinti orgulyuKap 24.21 del, ke gosta di jubi, ke sinti amor pa el; N na tira tambi se fijus macu ku femia.

26Na dia ku N fasi kila, algin ku kapli i na bin pa bo pa kontau noba.

27Na ki dia bu bokaKap 3.26-27 na yabridu; bu na papia ku ki algin ku kapli. Bu ka na fika mudu. Asin bu na bin sedu sinal pa elis; e na sibi kuma N sedu SIÑOR.”