Ebreus 4 - Portuguese Creole Bible, Guinea-Bissau

1Suma no ten inda purmesa di yentra na si lugar di diskansu, no toma sintidu pa ka nin un di bos bin falia, i pirdi entrada,

2pabia anos tambi no kontadu Bon Noba suma elis, ma palabra di Bon Noba ke kontadu ka tenba nin purbitu nelis, pabia i ka kontra ku feKap 3.18-19 na kilis ku obil.

3I anos ku sedu krenti ku na yentra na lugar di diskansu, suma ki fala:

“AsinSal 95.11 N jurmenta na ña raiba kuma,

e ka na yentra na ña lugar di diskansu.”

I fala asin kontudu si tarbaju kaba disna di kriason di mundu.

4I fala na un lugar na Skritura aserka di setimu dia kuma, Deus diskansaKum 2.2 di tudu si tarbaju na setimu dia.

5I torna fala utru bias ne lugar ku no ripiti ja: “E ka na yentra na ña lugar di diskansu.”

6Suma ku utrus ten ku yentra nel, suma tambi kilis purmeru ku kontadu Bon Noba e ka yentraKap 3.18-19 pabia di se disobdiensia,

7Deus marka mas utru dia ku faladu “Aos.” Dipus di manga di anu Deus fala na boka di Davi e palabra ku no ripitiKap 3.7-8 ja: “Aos, si bo obi si vos, ka bo ndurusi bo korson.”

8Si Josué da elis ba diskansu, Deus ka na falaba mas aserka di utru dia.

9Asin i falta inda un diskansu pa pobu di Deus suma di setimu dia,

10pabia kil ku yentra na diskansu di Deus, es tambi i diskansa di si tarbaju, suma ku Deus diskansa di di sil.

11No fasi forsa pa yentra ne lugar di diskansu pa ka ninginKap 3.12-13 sigi isemplu di kilis ku disobdisi.

12PalabraJer 23.29; 1 Kor 14.24-25; Ef 6.17; Apok 1.16 di Deus i bibu, i forti. I ta mas korta di ki spada di dus boka; i ta yentra te dentru di algin nunde ku alma ku spiritu ta rapati, te na metadi di juntamentu di os. I kapas di julga vontadi ku pensamentu di korson.

13I ka ten nada ku Deus kumpu ku pudi sukundiSal 33.13-15; 90.8; 139.1-12 del, ma tudu kusa sta nun i klaru na uju di kil ku no ten ku da konta si dianti.

Jesus i Saserdoti ki mas tudu

14Suma ku no tene un garandi Ŝef di Saserdoti ku seduKap 3.1; 6.20; 7.26; At 1.9 Jesus, Fiju di Deus, ku yentra dentru di seu, no fika firmi na no fe.

15No ka tene un ŝef di saserdoti ku ka pudi ten pena di no frakesa, ma un ku tentadubaLuk 4.1-13; 22.42; Jon 12.27 na tudu, suma nos, ma ku nunka ka peka.

16Asin no ciga ku fiansaEf 2.18; 3.12 dianti di tronu di Deus, nunde ku no na oja fabur, pa no yangasa miserikordia ku fabur, ku ajuda na ora ku no pirsisa del.