Numerus 17 - Portuguese Creole Bible, Guinea-Bissau

Manduku di Aron flora

1SIÑOR fala Moisés:

2“Papia ku fijus di Israel pa e dau dozi manduku, un pa kada ŝef di jorson. Bu ta skirbi nomi di kada ŝef na si manduku.

3Na manduku di Levi skirbi nomi di Aron. Kada ŝef di jorson na tene un manduku.

4Pui ki mandukus na tenda di juntamentu dianti di arka di kontratu nunde ku N ta kontraSai 25.22; 30.6,36 ku bos.

5Manduku di omi ku N kujiKap 16.5 i na flora. Asin N ta kaba ku e ŋuniŋuni di fijus di Israel kontra mi ku bos.”

6Asin Moisés fala ku fijus di Israel, i toma ki dozi manduku, suma ku kada ŝef di jorson tisi un son. Manduku di Aron i seduba un di ki dozi.

7Moisés pui ki mandukus dianti di SIÑOR na tenda di tustumuñu.

8Mansi di ki dia, Moisés yentra na tenda di tustumuñu, i oja manduku di Aron, ku na representa jorson di Levi, i rebentaba ja tok i flora, i padi fiju di amenduiña.

9Moisés tira ki mandukus dianti di SIÑOR, i leba elis pa tudu fijus di Israel. E oja ki kusa; kada kin toma si manduku.

10SIÑOR fala Moisés: “Torna manduku di Aron dianti di arka di kontratu, pa i guardadu suma sinalKap 16.38,40; Sai 16.32; Lei 31.24-26; Eb 9.4 pa rebeldis. Asin N na kaba ku se ŋuniŋuni kontra mi, pa e ka muri.”

11Moisés fasi manera ku SIÑOR mandal pa i fasi.

12Israelitas fala Moisés: “Ali no na muri! No na pirdi! No na pirdi tudu!

13Tudu algin ku ciga pertu di tenda di SIÑOR i naKap 1.51-53; 18.4,7 muri. Nta no na kaba tudu!”