Zakarias 14 - Portuguese Creole Bible, Guinea-Bissau

Julgamentu di Jerusalen

1Dia di SIÑOR na bin, ku bu rikesa na robadu, i na rapatidu bu dianti.

2N na junta tudu nasons pa geria kontra Jerusalen; prasa na tomadu, kusas na robadu na kasas, minjeris na forsadu; metadi di prasa na bai pa katiberasku, ma restu di pobu ka na tiradu na prasa.

3SIÑOR na sai, i na geria kontra ki nasons, suma ki ta geriaba na tempu ku pasa.

4Na ki dia si pe na sta riba di monti di OliveraAt 1.11-12 ku sta lungu di Jerusalen na ladu di saida di sol. Monti di Olivera na findidu na metadi, di saida di sol pa si kaida; i na ten un kobon garandi dimas. Metadi di monti na ciga pa norti, utru metadi pa sul.

5Bo na kuri na kobon di ña montañas, ku ta bai te na Azel. Bo na kuri suma ku bo kuriba di tirmidura di con na tempu di2 Kron 26.1 Uzias, rei di Judá. Dipus, SIÑOR ña DeusMat 24.30; Jud 14 na bin, ku tudu anjus sagradu ku el.

6Na ki dia lus ka na ten, nin friu nin jeada,

7ma i na sedu un diaIs 60.19-20; Mat 24.36 ku SIÑOR kunsi. I ka na ten di dia nin di noti; di tardi lus na ten.

8Na ki dia tambi, yaguEz 47.1 ku ta da vida na kuri di Jerusalen, metadi pa Mar Salgadu, utru metadi pa Mar Mediteraneu; i na kuri tudu anu, na tempu di kalur ku tempu di friu.

9SIÑOR na sedu reiDan 2.44; Apok 11.15 riba di tudu mundu. I na ten sonEf 4.5-6 un SIÑOR; si nomi na sedu un son.

10Tudu reẑion di Jeba na norti te na Rimon, ku sta na ladu di sul di Jerusalen, i na bidaIs 40.4 rasu. Jerusalen na fika altu, na si lugar, desdi porton di Benjamin te na porton di skina nunde ku purmeru porton staba, desdi tori di AnaneelNe 3.1 te na kau di masa uva pa biñu di rei.

11Jinti na mora nelJer 23.6 suguru; nunka mas i ka na ten maldison.

12Es i praga ku SIÑOR na manda riba di tudu nasons ku geria kontra Jerusalen: Nkuantu e firma, se karni na podrisi, se ujus na podrisi na se lugar, se linguas tambi na podrisi na boka.

13Na ki dia SIÑOR na manda garandi kunfusonŜef 7.22; Ez 38.21 na se metadi; kada kin na pega mon di si kumpañer; dipus e na lanta e ataka ŋutru.

14Judá tambi na geria pa difindi Jerusalen. Rikesa di tudu nasons na roda na juntadu — manga di uru ku prata ku ropa.

15Ki mesmu praga na bin riba di kabalus, mulus, kamelus, burus, ku tudu limarias ku sta na se kampamentus.

Gloria ku na bin ten pa prasa di Deus

16Tudu jinti ku sobra di tudu nasons ku baiba kontra Jerusalen e na ba ta bai kada anu pa adoraKap 8.20-22; Is 60.7-9; 66.23 Rei, SIÑOR ku ten tudu puder, pa mati festivalSai 23.16; Lei 16.13 di barakas.

17Si kualker pobu di mundu ka bai Jerusalen pa adora Rei, ku sedu SIÑOR ku ten tudu puder, cuba ka na kai na si tera.

18Si pobu di Ejitu ka bai pa mati festival di barakas, e na sufri ki mesmu praga ku SIÑOR na manda riba di nasons ku ka bai.

19Es na sedu kastigu di ejipsius ku tudu nasons ku ka bai pa mati festival di barakas.

20Na ki dia, DEDIKADU PA SIÑOR na gravadu na sinus di kabalus. Panelas na kasa di SIÑOR na sedu sagradu suma basias dianti di altar.

21Tudu panelas na Jerusalen ku Judá na konsagradu pa SIÑOR ku ten tudu puder. Tudu jinti ku pursenta sakrifisiu e na bin toma un di ki panelas, e kusña nel. I ka na ten mas bindidurMat 21.12 na kasa di SIÑOR ku ten tudu puder.